Romans 1:9 - Sa Ugud Apudyus

⁹ Aḵ Apudyus anaḵdoḻe pasigḵu diḵayu iḵagasmoḵ si alluwaḻuwaḵ. Siya anserbiyaḵ atte losane ḵabooḻaḵ atte angiwaḻagawagaḵ si Ambaḻu we Damag mipanggob si Abengna.

Romans 1:9 ပူးပေါင်းရင်းမြစ်များ

Mark 1:1

Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari.

Luke 18:1

Pun imbagan Jesus atta disipuluna annae pani ta tuttuduwana didae patilayunda alluwaḻu ya adida mappog.

Acts 12:5

Pun aḵ Peter inninggaw si babaḻḻudan yaḵon impapatin da namati ye nangiluwaḻu ḵan siya.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

Acts 27:23

Te sa labi, nampaila anghel Apudyus we sinḵuwa ḵan saḵone siya daydayawoḵ,

Acts 3:26

Pun ditaḵu we Judyu ummunae pinilin Apudyus ya imbuunna'ḵ Jesus we anserbi ḵan siya ta bindisyunana ditaḵu ta lamog taḵu agaye angwa'tta ḵoḵoḵḵon.”

Romans 9:1

Susunud, ibagaḵ ḵan diḵayu ḵatuttuwaan, adiyaḵpun antultulli te niyossaanaḵ ḵan Kristu. Taḵon ay somsomoḵḵu we indaḻan ni Ispiritu Santu, panoḵnoḵanae adiyaḵpun antultulli.

2 Corinthians 1:23

Yaḵon sinsadi, aḵ Apudyus anaḵdoḻ ḵan saḵone tuttuwa annae ibagaḵ. Adiyaḵpun nipauli sinat ad Corinth te adiḵpun pione paḻawengon somsomoḵyu nu suppaḵaḵ diḵayu'tta ḵingwayu.

2 Corinthians 11:31

Aḵ Apudyus we Aman Apu Jesus we madaydayaw aḵ inggana, igammunae adiyaḵpun antultulli.

Galatians 1:20

Igammun Apudyus we daḵampun aḵ tuli da sanae insuḻatḵu ḵan diḵayu.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Philippians 1:3

Nu iḵagasmoḵḵu diḵayu, anggappiyaaḵ ḵan Apudyus we anserbiyaḵ.

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Philippians 2:22

Yaḵon aḵ Timothy ḵad, iniiggammuyu we ambaḻu ugalina te innilayu we isunin an-ama si ḵewaaḻni ye angiwaḻagawag atte Ambaḻu we Damag.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

1 Thessalonians 1:2

Susunud ḵan Kristu, pasig ḵani anggappiya ḵan Apudyus atte mipanggob ḵan diḵayu losan nu ibagatbatni diḵayu'tta luwaḻuni.

1 Thessalonians 3:10

Inaḻgaw ya nilabi ye ipapangogni ḵodawon ḵan Apudyus we an-asiila taḵu ta dog-anni da angkuranganyu'tte pammati.

1 Thessalonians 5:17

patilayun ḵayu alluwaḻu,

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

Philemon 1:4

Sunude Philemon, pasigaḵ anggappiya ḵan Apudyus atte iboswayḵu ḵan iḵagasmoḵḵu siḵa nu alluwaḻuwaḵ,