Romans 1:8 - Sa Ugud Apudyus

⁸ Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

Romans 1:8 ပူးပေါင်းရင်းမြစ်များ

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Luke 2:1

Sa sadi ye timpu we niyanaḵan John, nangwa'ḵ lintog aḵ Emperor Augustus we umoy da losane tagu'tta ili ye ipangatan da iRome we ḵasapuḻane ampalistada.

Acts 11:28

Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius.

Acts 28:22

Yaḵon pionni ye dongngon ḵasomsomḵam te igammuni ye da tagu'tta ḵinailin di ili an-ugudda'ḵ misullagi'tte nidog-am atta angunud ḵan Jesus.”

Romans 10:18

Yaḵon imusoḵ ud ḵan diḵayu, tuttuwa ḵad aine adimpun da Judyu dingngoḻ mipanggob ḵan Kristu? Dingngoḻda te ḵanan ni nigili ye Ugud Apudyus, “Niwaḻagawag atta ḵinailin di ili ya nandinongoḻ atta losane ili si annae lubung.”

Romans 16:19

Allaylayadaḵ gapu ḵan diḵayu te nan-asidongoḻ atta ḵinailin di ili tummuttuwaanyu gapu si namatiyanyu. Ḵad pioḵ ose lumaing ḵayu mipanggob si ambaḻu yaḵon ippun oḵyan igammuyu si mipanggob atta lawweng.

Romans 6:17

Yaḵon anggappiyaaḵ ḵan Apudyus te taḵon ay nu musassun ni basuḻ diḵayu'tte awe, sinsana tuttuwae insisimoḵyu tuttuwaon ḵatuttuwaane nituttudu ḵan diḵayu.

1 Corinthians 1:4

Patilayunaḵ anggappiya ḵan Apudyus gapu'tte ḵinabaḻunae impailana ḵan diḵayu mipagapu si niyossaananyu ḵan Jesu Kristu.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

Ephesians 1:15

Gapu'tte sadi, inggan ni dingngoḻḵu pammatiyu ḵan Apu Jesus ya sa ayatyu'tta losane dogayu we tagun Apudyus,

Ephesians 1:16

adiḵpun iginoḵe anggappiya ḵan Apudyus gapu ḵan diḵayu ya patilayune idogaḵ diḵayu'tta luwaḻuḵ.

Ephesians 5:20

Ḵad pasig ḵayu anggappiya ḵan Apudyus we Ama atta losane banag atte ngadan Apu taḵu we Jesu Kristu.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Philippians 1:3

Nu iḵagasmoḵḵu diḵayu, anggappiyaaḵ ḵan Apudyus we anserbiyaḵ.

Colossians 1:3

Iluwaḻuwanni ḵad diḵayu pasig ḵani anggappiya ḵan Apudyus we Aman Jesu Kristu we Apu taḵu,

1 Thessalonians 1:2

Susunud ḵan Kristu, pasig ḵani anggappiya ḵan Apudyus atte mipanggob ḵan diḵayu losan nu ibagatbatni diḵayu'tta luwaḻuni.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

Philemon 1:4

Sunude Philemon, pasigaḵ anggappiya ḵan Apudyus atte iboswayḵu ḵan iḵagasmoḵḵu siḵa nu alluwaḻuwaḵ,

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

1 Peter 4:11

Sa innattan Apudyus aḵ ḵabooḻane angiwaḻagawag, ḵasapuḻane sosomḵonae siya iwaḻagawagna Ugud Apudyus. Sa naittan aḵ ḵabooḻane anserbi'tta buḻunna, ḵasapuḻane anserbi ye usarona pigsae itton Apudyus ḵan siya ta da losane banage ḵoonyu, midaydayaw aḵ Apudyus mipagapu ḵan Jesu Kristu. Siya madaydayaw ḵan maḵabooḻe ampangat aḵ inggainggana. Amen.