Romans 1:7 - Sa Ugud Apudyus

⁷ Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Romans 1:7 ပူးပေါင်းရင်းမြစ်များ

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

Romans 1:6

Nidoga ḵayu we iRome we pinilin Apudyus aḵ ambalin aḵ tagun Jesu Kristu.

Romans 5:1

Pun gapu ta aḵ Apudyus nangwa ḵan ditaḵu'ḵ naun-unan gapu'tte pammati taḵu, allin-awa maḵabuḻbuḻunan taḵu ḵan Apudyus mipagapu'tte ḵingwan Jesu Kristu we Apu taḵu.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Romans 8:28

Igammu taḵu we losane banage maḵwa antitimpuyugda ta ambanag atte bumaḻuwan da angay-ayat ḵan Apudyus ya da pinilina sigun atte panggobna.

Romans 8:39

Taḵon ay da losane awad ad langit ya sina'd luta ya taḵon ay da ngaimane ḵingwana, naippun maḵaisina'tte ayat Apudyus ḵan ditaḵu mipagapu ḵan Apu taḵu we Jesu Kristu.

Romans 9:25

Ḵaḵna imbagan Apudyus we impaigilina ḵan Profeta Hosea we ḵanana, “Da daḵampun aḵ taguḵ si awe, dida da ngadanoḵ aḵ taguḵ sinsadi. Ḵad da adiḵpun inay-ayat si awe, dida da ay-ayatoḵ sinsadi.”

1 Corinthians 1:24

Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna.

1 Corinthians 16:23

Awad oḵyan ḵan diḵayu ḵinabaḻu we maḻpu ḵan Apu Jesus.

2 Corinthians 13:14

Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

Galatians 6:18

Susunudḵu ḵan Kristu, awad oḵyan ḵan diḵayu ḵinabaḻu we maḻpu ḵan Apu taḵu we Jesu Kristu. Amen.

Ephesians 1:2

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Apu Jesu Kristu.

Ephesians 6:23

Susunudḵu ḵan Kristu, itton oḵyan Apudyus we Ama ya aḵ Apu Jesu Kristu ḵan diḵayu lin-awa ḵan ayate midoga pammati.

Philippians 1:2

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

Philippians 4:20

Daydayawon taḵu oḵyan aḵ Apudyus we Ama taḵu'ḵ inggana. Amen.

Philippians 4:23

Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Colossians 1:2

Annaya suḻatni ḵan diḵayu we tagun Apudyus ya mataḻgodane susunudni ḵan Kristu ad Colossae. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu.

Colossians 3:12

Gapu ta diḵayu da pinilin Apudyus we taguna ya inay-ayatna, unudonyu oḵyan da sanae ug-ugali: Ḵumadagu ḵayu ya bumadang ḵayu, ipakumbabayu da somsomoḵyu ya somsomḵonyu oḵyan bumaḻuwan da udum ya pasig ḵayu oḵyan naanus.

Colossians 3:15

Pasig oḵyan lin-awa ya sa timpuyuge innatod Kristu angituray atta somsomoḵyu te sana gapun ni namiliyan Apudyus ḵan diḵayu ta an-os-ossaan ḵayu we long-ag Kristu. Ḵad pasig ḵayu anggappiya ḵan Apudyus.

1 Thessalonians 1:1

Saḵon aḵ Paul ya da buḻunḵu we da Silas ḵan Timothy. Annaya suḻatni'tta namati ye magimugimung ad Thessalonica we da nidoga ḵan Apudyus we Ama taḵu ya aḵ Apu Jesu Kristu. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 1:4

Susunudḵu ḵan Kristu we ay-ayaton Apudyus, inigammuni ye pinilina diḵayu.

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

1 Thessalonians 5:28

Awad oḵyan ḵan diḵayu ḵinabaḻu we maḻpu ḵan Apu taḵu we Jesu Kristu.

2 Thessalonians 1:2

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Thessalonians 3:16

Oḵyan pos ta aḵ Apu we puun ni lin-awa taḵu, patilayun ose angitod si sanae lin-awa ḵan diḵayu taḵon ay ngai maḵwa. Ḵad pasig oḵyan ose iinggaw ḵan diḵayu losan.

2 Thessalonians 3:18

Awad oḵyan ḵan diḵayu losan ḵinabaḻu we maḻpu ḵan Apu taḵu we Jesu Kristu.

1 Timothy 1:2

Annaya suḻatḵu ḵan siḵa Timothy ye ibelangku'ḵ tuttuwae abengḵu'tte pammati ḵan Jesu Kristu. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

1 Timothy 6:2

Ḵad da musassu we namati da ap-apuda, ḵasapuḻane adida oḵyan ḵanane gapu ta ansusunudda ḵan Kristu, sinnamaḻna nu adidapun patgane ustu. Yaḵon ḵasapuḻane amo anserbida ḵan dida te da angapit ḵad si ḵewaaḻda da namati ya da angay-ayat ḵan dida. Ituttudum ḵan iwaḻagawagnu da anna.

2 Timothy 1:2

Annaya suḻatḵu ḵan siḵa Timothy ye imbelangḵu'ḵ abengḵu we ay-ayatoḵ. Awad oḵyan ḵan siḵa ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

2 Timothy 4:22

Pasig oḵyan awad aḵ Apu ḵan siḵa ya awad oḵyan ḵan diḵayu ḵinabaḻu we maḻpu ḵan Apudyus.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Philemon 1:25

Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Philemon 1:3

Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Apu Jesu Kristu.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

1 Peter 1:15

Yaḵon unudonyu oḵyan naapudyusane antatagu te nasantuwan aḵ Apudyus we namili ḵan diḵayu.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

2 John 1:3

Awad oḵyan ḵan ditaḵu ḵinabaḻu, ḵadagu ḵan lin-awae maḻpu ḵan Apudyus we Ama taḵu ya aḵ Jesu Kristu we Abengna ta unudon taḵu ḵatuttuwaan ya an-asiayat taḵu.

Revelation 2:1

Ḵanana, “Annaya isuḻatnu'tte anghel we angayyuwan atta namati ye magimugimung ad Ephesus, ‘Saḵon aangdon atta pitu we bituwon atte madawinane imaḵ ya anadtaddaḻan si gawan da pitu we buḻawane sasap-aḻan da silaw. Annaya ibagaḵ ḵan diḵayu.

Revelation 2:12

Ḵanana bos, “Annaya isuḻatnu'tte anghel we angayyuwan atta namati ye magimugimung ad Pergamum, ‘Saḵon aangdon si antadome ispadae nansupang ngaḻabna. Annaya ibagaḵ ḵan diḵayu.

Revelation 2:18

Ḵanana bos, “Annaya isuḻatnu'tte anghel we angayyuwan atta namati ye magimugimung ad Thyatira, ‘Saḵon Abeng Apudyus we isunan gumilgillayabe apuy atana ya isunan sumelape gambang da suḵina. Annaya ibagaḵ ḵan diḵayu.

Revelation 2:29

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati.’ ”

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.

Revelation 22:21

Awad oḵyan ḵan diḵayu we losane tagun Apudyus ḵinabaḻun Apu Jesu Kristu. Amen.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

Revelation 3:22

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati.’ ”

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.