Romans 1:30 - Sa Ugud Apudyus

³⁰ Alliḵudda'tta asintataguda, sasangngaanda'ḵ Apudyus, am-amsewonda da asintataguda, indaddayawda, ansoḵaḻda, pasig ose ansomsomoḵda'tta udume kalasin di lawweng ya adidapun tuttuwaon da aammada ya da iinnada.

Romans 1:30 ပူးပေါင်းရင်းမြစ်များ

Matthew 15:4

Te sa imbilin Apudyus ḵanana, ‘Dayawom da amam ḵan inam,’ ya ‘Ngaimane an-ugud aḵ lawweng atta amana ḵan inana, aaddi ye magongat.’

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Luke 21:16

Taḵon ay da amayu ḵan inayu, da sunudyu, da agiyu ya da buḻbuḻunyu, ituyuḵda diḵayu'tta pangat ta gongatonda da udum ḵan diḵayu.

John 7:7

Te ippun lasun da tagu we adipun namati ye sumasanga ḵan diḵayu yaḵon sasangngaanda saḵon te panoḵnoḵaḵe lawweng da ḵoḵoḵḵonda.

Acts 5:36

Te sa awe, inggaw aḵ Theudas we ngannona long-agna'ḵ pangat woḵ umoye opat gasute laḻaḵi da nitun-ud ḵan siya. Gingngat ḵad da suḻdadu, nabuḵaḻ da losane nitun-ud ḵan siya woḵ ippun nambanaganda.

Romans 2:17

Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu.

Romans 2:23

Siya isḵaḻyu Lintog Apudyus we awad ḵan diḵayu yaḵon diḵayu bos angibabbain ḵan Apudyus gapu'tte allisalisanyu'tte lintogna!

Romans 3:27

Pun aditaḵupun lamog isḵaḻ naun-unan taḵu gapu si anuttuwaan taḵu'tte lintog. Yaḵon aḵ Apudyus angwa si maun-unan taḵu gapu si pammati taḵu.

2 Corinthians 10:15

Ḵad adinipun isḵaḻ ḵingwan da udum yaḵon isḵaḻni bos da impaḵwan Apudyus ḵan diḵani. Namnamaonni ye pumigsapigsa oḵyan pammatiyu ta awad badangni ye angwa'tta udume paḵwan Apudyus ḵan diḵani,

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

2 Thessalonians 2:4

Sullagiyona'ḵ Apudyus ya da losane sinan-apudyus ya da ngaimane daydayawon da tagu ya ipangatunae mismu long-agna nu da ngaiman ḵan dida. Ta tumuḵdu si templo we boḻoy Apudyus ya iwaḻagawagnae siyae mismu Apudyus.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.

James 3:5

Ḵad isuna bos delan ni tagu we taḵon ay nu bamban-oge ḵamangay ni long-ag, lamognae ansoḵasoḵaḻ. Somsomḵon taḵu ḵad apuy, taḵon ay nu paḻatiḵ, dagadagona simbelegan.

James 4:16

Yaḵon ansoḵaḻ ḵayu ya indaddayaw ḵayu. Losane isḵaḻ da tagu we isun da sana, lawweng.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

Jude 1:16

Da sanae tagu, pasigda ngumonongonot ya ippun pulus ḵat-opanda. Siya ḵoonda da lawwenge pipion da long-agda. Isḵaḻda da long-agda ya allelawonda da buḻunda ta aḻanda da pipionda.