Romans 1:29 - Sa Ugud Apudyus

²⁹ Siya awad atta somsomoḵda da losane kalasin da lawweng. Ḵamommodda, maaposda. Pumappatoyda, subboganda, nasiḵapda ya pasige siya sosomḵonda ampaḵaḻamonda da buḻunda ya sungadanda.

Romans 1:29 ပူးပေါင်းရင်းမြစ်များ

Matthew 5:32

Yaḵon sa ibagaḵ ḵan diḵayu we laḻaḵi, adiyu idangan da asawayu, malaksid nu naḵadagdagas bubai. Te nu ḵoonyu ḵaḵna, diḵayu angwa si maḵabasuḻan ni bubai si dagdagas nu ḵasin angasawa. Ḵad ngaimane angasawa si bubai ye inidanganyu, maḵabasuḻ si dagdagas.”

Romans 3:10

Te sa ḵanan ni nigili ye Ugud Apudyus, “Naippun tagu'ḵ naun-unan, taḵon ay ossaan.

2 Corinthians 12:20

Te umogyataḵ aḵ odasaḵ diḵayu we siya ḵoonyu daḵampun aḵ pioḵ nu umaliyaḵ sinat ya ḵooḵ os daḵampun aḵ pionyu si anisiplinaaḵ ḵan diḵayu. Umogyataḵ os nu odasaḵ diḵayu we ansusubog, an-aḵ-apaḻ, allasu sumang-anyu'tta buḻunyu, masinasina ḵayu, an-asiliḵud ḵayu ya ansoḵaḻ ḵayu ya ippun uḻnusyu.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.