Romans 1:23 - Sa Ugud Apudyus

²³ Te adidapun nandayaw si matattagu we Apudyus. Yaḵon siya dinaydayawda da ḵingwan di tagu we sinan-apudyus, sinantatagu, sinansissiwit, sinan-ayam ya da ḵais-isun da ḵumayam.

Romans 1:23 ပူးပေါင်းရင်းမြစ်များ

Acts 10:12

Inninggaw da losane nankalakalasi ye ayam ad luta, nidoga da ḵumayam, da sissiwit ya da udume tumayap.

Acts 17:29

Ḵad gapu ta abeng Apudyus ditaḵu, ḵasapuḻane adi taḵu somsomḵone aḵ Apudyus miyisu'tta sinan-apudyuse naḵwa si buḻawan, palata, baḵon nu batu we simsimmoḵ da nalainge tagu we ḵoon.

Romans 1:25

Te pinasantanda ḵatuttuwaan mipanggob ḵan Apudyus atte tinutuli. Ḵad siya dinaydayawda ḵan nanserbiyanda da ḵingwan Apudyus yaḵon daḵampun ḵan Apudyus we nangwa'tta losane siya madaydayaw aḵ inggana. Amen.

1 Corinthians 12:2

Sa timpu we daanyu amatiyan, iniiggammuyu we naallelaw ḵayu te dinaydayawyu da sinan-apudyus we naumoḻ gapu'tta nangilugut ḵan diḵayu.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.

Revelation 9:20

Yaḵon da nabun-ane tagu we adipun nanḵaḵatoy gapu'tta sanae ampaḵaḻaman, adidapun nambabawi'tta basuḻda ya adidapun iyyagaye angwa. Sissiyae adidapun iyyagaye nanaydayaw atta aḻan ya da sinan-apudyus we naḵwa si buḻawan, palata, gambang, batu ya da ḵayu we ḵingwan di tagu we sinan-apudyus we adidapun maḵaila, maḵadongoḻ ya adidapun maḵataddaḻan.