Romans 1:17 - Sa Ugud Apudyus

¹⁷ Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Romans 1:17 ပူးပေါင်းရင်းမြစ်များ

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 3:21

Yaḵon sinsana, impaigammun Apudyus inonae angwa'tta tagu'ḵ maun-unane daḵampun aḵ mipagapu si anuttuwaanda'tte lintog. Taḵdoḻan ni lintog Moses ya da inggilin da profetan Apudyus mipanggob si anna.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 3:3

Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina?

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

2 Corinthians 3:9

Te nu nipaila siling ni dayaw ḵan ḵabooḻan Apudyus si nangittana'tte lintoge amabasuḻ atta tagu, amo mipaila siling ni dayawna ḵan ḵabooḻana gapu si planunae ḵoona da tagu'ḵ maun-unan.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Galatians 3:11

Pun nalawage ippun ossaan aḵ naun-unan si antotollong Apudyus gapu si anuttuwaana si lintog te nigili si Ugud Apudyus we ḵanana, “Sa tagu we aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

Hebrews 10:38

Sa taguḵe naun-unan, matagu mipagapu'tte pammati, yaḵon nu an-awidana saḵon, adiyaḵpun mas-om ḵan siya.”