Romans 1:13 - Sa Ugud Apudyus

¹³ Susunudḵu ḵan Kristu, pioḵe igammuwonyu nangampigae planuḵe umali ḵan diḵayu yaḵon awad de pasig anupod ḵan saḵon. Pioḵe ilan diḵayu ta awad os da awisoḵe amati ye isun da udume Gentil we inawisḵu'tta udume ili.

Romans 1:13 ပူးပေါင်းရင်းမြစ်များ

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 4:36

Da an-ani ḵad matangdananda, da anagup atta tagu awatonda biyag aḵ inggana. Ḵad da angimuḻae isun da angibaga'tte ugudḵu ya da an-ani ye bumadang ta awatonda ugudḵu, anggangganasda losan.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 14:27

Dummatongda ḵad ad Antioch, nandaḵdaḵngonda da losane namati woḵ imbagada da losane ḵingwan Apudyus ḵan dida ya sa inonae nangitod si gundaway da Gentil ta amatida.

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 21:19

Naabus ḵade pinakumustan Paul dida, inug-uggudna da losane ḵingwan Apudyus atta Gentil mipagapu si ḵewaaḻna.

Acts 28:14

Sidi nangdasanni'tta udume susunud ḵan Kristu woḵ tinawidan diḵani ta inggaw ḵani ḵan dida'ḵ sindumingguwan. Sa sadi ḵad dummatong ḵani'd Rome.

Romans 1:12

Sa pioḵ ibaga, an-asisoḻgag taḵu si pammati ta pumigsa pammatiḵ mipagapu'tta pammatiyu ya pumigsa bos pammatiyu gapu si pammatiḵ.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 7:1

Susunudḵu ḵan Kristu, igammuḵe maawatanyu da annae ibagaḵ te igammuyu mipanggob atte lintog. Igammuyu we sa lintog anna ḵaḻabbongana'tte tagu si matattaguwanae abus.

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

1 Corinthians 10:1

Susunudḵu ḵan Kristu, pioḵe paiḵagasmoḵ ḵan diḵayu naḵwa'tta danaḵḵoḻ taḵu'tte awe atte nangipuyutan Moses ḵan dida si nanenanda'd Egypt. Sa sadi ye timpu, inalidungan Apudyus dida losan si libuu we nangipuyut ḵan dida woḵ nanaddaḻanda si Dilaage Baybay.

1 Corinthians 12:1

Sinsadi susunudḵu ḵan Kristu, pioḵe ipaḵaawat ḵan diḵayu mipanggob atta ḵabooḻane itton ni Ispiritu Santu ḵan ditaḵu ta igammuwonyu oḵyan.

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

1 Corinthians 9:2

Ḵad taḵon ay nu adimpun da udum saḵon ibelang aḵ apostol, ibelangyu oḵyan saḵon te diḵayu amanoḵnoḵ si ḵinaapostolḵu te amati ḵayu ḵan Apu.

2 Corinthians 1:8

Susunudḵu ḵan Kristu, pionni ye ipaigammu ḵan diḵayu da amode nampaḵaḻamane pinadasni'tte probinsiya'd Asia. Amod de nampaḵaḻamane nilaḵ-amni sidi ye adiḵanipun ogon maḵaanus inggana'ḵ ippun ogon namnamani'ḵ mabiyag.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

Galatians 3:15

Susunudḵu ḵan Kristu, sosomḵonyu ḵad annae pani ye mipaniyan ni inkarin Apudyus ḵan Abraham. Sa ugali taḵu we tagu, nu awad tuḻagan aḵ napilmaane ustu, adipun maḵwae lisalison baḵon nu dog-an.

Galatians 6:18

Susunudḵu ḵan Kristu, awad oḵyan ḵan diḵayu ḵinabaḻu we maḻpu ḵan Apu taḵu we Jesu Kristu. Amen.

Philippians 1:22

Yaḵon nu sissiyaaḵe matattagu, awad da naun-unane banage ḵooḵ. Pun nu saḵon oḵyan ampili, adiḵpun igammu nu ngai nabaḻbaḻu,

Philippians 4:17

Yaḵon pioḵ ipaigammu ḵan diḵayu we siya singtoḵ madog-an oḵyan gungunayu, daḵampun atte ittonyu.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

1 Thessalonians 2:18

Pionni pagay ilan diḵayu. Pun nangampigae pinadasḵu umali yaḵon tinupod Satan umaliyanni sinat.

1 Thessalonians 4:13

Susunudḵu ḵan Kristu, adinipun pione maḵaḻmun ḵayu mipanggob atta natoye namati ḵan Jesus ta adiyu idodomdom didae isun da udume ippun namnamada.

2 Thessalonians 2:7

Te sa nalimode ḵabooḻan ni ḵaḻawengan, nagangpute impasullagina'tta tagu'ḵ Apudyus yaḵon aditaḵupun yan igammu ḵoona si umali ye aḻgaw inggana'ḵ maḵaan anutuppod ḵan siya.

2 Timothy 4:17

Yaḵon taḵon ay nu ḵatti ḵingwada, adiyaḵpun nan-awidan ḵan Apu. Siya ḵingwana pinapigsana saḵon ta awad inoḵe angiwaḻagawag atte Ambaḻu we Damag ta dongngon da losane Gentil. Sinaḻaḵnibana saḵon atta tagu we pionda gongaton saḵon.