Revelation 9:5 - Sa Ugud Apudyus

⁵ Yaḵon adidapun naittan aḵ ḵabooḻane angongat atta tagu nu adi abuse ampaḵaḻamonda dida'tte unog di limae buḻan. Sa laḵ-amondae ampaḵaḻaman isuna ampaḵaḻaman ni tagu we siludan ni scorpion.

Revelation 9:5 ပူးပေါင်းရင်းမြစ်များ

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Revelation 11:7

Maabus ḵade ibagada da impaigammun Apudyus ḵan dida, tumoḵwaḻ ḵaog-ogyate ayame maḻpu si abute ippun patinggan ni ḵaadaḻomna ya maḵagubat ḵan dida. Ḵad angngog ya anggongat ḵan dida,

Revelation 13:5

Iyyunud Apudyus sanae ḵaog-ogyate ayame ampangat aḵ opatpuḻu ya duwae buḻan ya an-ugud atta sinosoḵaḻ ya lawweng ḵan Apudyus.

Revelation 13:7

Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 9:10

Awad da siludda'tta ipusdae isunan silud di scorpione siya igaw ni ḵabooḻandae amaḵaḻam atta tagu si unog ni limae buḻan.

Revelation 9:3

Inninggaw os da dudune naḻpu'tte asuḵ woḵ nan-osogda'd luta. Naittanda'ḵ ḵabooḻane sumilude isun da scorpion.