Revelation 9:20 - Sa Ugud Apudyus

²⁰ Yaḵon da nabun-ane tagu we adipun nanḵaḵatoy gapu'tta sanae ampaḵaḻaman, adidapun nambabawi'tta basuḻda ya adidapun iyyagaye angwa. Sissiyae adidapun iyyagaye nanaydayaw atta aḻan ya da sinan-apudyus we naḵwa si buḻawan, palata, gambang, batu ya da ḵayu we ḵingwan di tagu we sinan-apudyus we adidapun maḵaila, maḵadongoḻ ya adidapun maḵataddaḻan.

Revelation 9:20 ပူးပေါင်းရင်းမြစ်များ

Matthew 21:32

Te ummali'ḵ John we Ambobonyag woḵ intuttuduna ḵan diḵayu inonyu we mabiyag si maun-unane biyag yaḵon adiyupun pinati. Ḵad sa andadagup atta bugis ya sa puta, namatida ḵan siya. Taḵon ay nu intollongyu inondae nambabawi'tta basuḻda, adiḵayupun nambabawi'tta basuḻyu ya adiyupun os pinati.”

Acts 17:29

Ḵad gapu ta abeng Apudyus ditaḵu, ḵasapuḻane adi taḵu somsomḵone aḵ Apudyus miyisu'tta sinan-apudyuse naḵwa si buḻawan, palata, baḵon nu batu we simsimmoḵ da nalainge tagu we ḵoon.

Acts 19:26

Ḵad innila taḵu ḵan didingngoḻ taḵu we adu da inawis Paul we tagu sina'd Ephesus ya tigangay ta losan da ili'tte probinsiya'd Asia. Ḵanana sa ḵoon di tagu, daḵampun aḵ tuttuwae apudyus.

Acts 7:41

Sa sadi ye timpu, nangwada'ḵ sinan-apudyuse isunan ubbun di baḵa'ḵ nandatunanda ḵan ginayagayaanda ḵingwadae mismu.

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

1 Timothy 4:1

Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 16:8

Pun intuyaḵ ni ḵumapate anghel inggaw atte maḻuḵungna'tte init woḵ niyunude amo ummatung init. Pun naatungan da tagu si ummamdan ya ḵaog-ogyate atungna.

Revelation 9:19

Te sa ḵabooḻan da sanae ḵabayu we gumngat, awad atta sungadda ya da ipusda. Te isunan uḻog da ipusdae nauḻuwan ya sana da inusardae amaḵaḻam atta tagu.

Revelation 9:21

Adidapun os imbabawi da udume ḵingwada ya adidapun iyyagaye nangwa, isun ni nangongatanda'tta tagu, sa nangaḻay-abanda'tta aḻan ta ampaḵaḻamonda da tagu ya sa miyadaḻuganda'tta daḵampun aḵ asawada ya sa nan-aḵawanda.