Revelation 8:12 - Sa Ugud Apudyus

¹² Nanangguyub ḵad ḵumapate anghel, nadadail inḵaḵlun ni init, sa soḻag ya da bituwon woḵ gummiḵbot inḵaḵlun ni silawda. Pun gummiḵbot inḵaḵlun ni aḻgaw ya sa labi.

Revelation 8:12 ပူးပေါင်းရင်းမြစ်များ

Matthew 24:29

Pinagatupan Jesus woḵ ḵanana, “Nu magangput da ampaḵaḻaman si sadi ye timpu, gumiḵbot init ya adipun allangḻang soḻag. Maamin maottag da bituwon ya miyugayug da losane awad ad langit.

Matthew 27:45

Anna ḵade mumamatuḵ, gummiḵbot losane ili inggana'ḵ ummag-agaw.

Mark 13:24

Pinagatupan Jesus woḵ ḵanana, “Nu magangput ampaḵaḻamanda, gumiḵbot init. Sa soḻag ḵad, adipun ogon allangḻang.

Mark 15:33

Anna ḵade mumamatuḵ, gummiḵbot losane ili inggana'ḵ ummag-agaw.

Luke 21:25

Pinagatupan Jesus woḵ ḵanana, “Ḵad awad da nakaskasdaawe sinyale maḵwa'tte init, soḻag ya da bituwon. Ḵad da losane tagu si luta, magulu somsomoḵda ya amo masaliduduwanda gapu'tte andangsoḻe aguduud ni baybay ya sa tupiyaḵna.

Acts 2:20

Sa umali ye aḻgaw gumiḵbot init ya sa soḻag ambalin aḵ daḻa, maḵwa da sana si daan ni ampatog ḵan madaydayawe mipauliyan Apu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 16:10

Intuyaḵ ni ḵumalimae anghel inggaw si maḻuḵungna si tronon ni ḵaog-ogyate ayam woḵ gummiḵbot sadi ye impangatanae ili. Pun ḵinoḵotban da tagu da delada gapu'tte ummamdane ampaḵaḻamanda,

Revelation 6:12

Niloḵtan ḵad ni Ubbu we Karnero ḵumanome maḻḵan ni naḻuḵube ḵopel, baag-en inninggaw ampigsapigsae lunig. Sa init ḵad, gummiḵbote isun ni ngitite sinnun, sa langngayae soḻag, dummilaage isun di daḻa.

Revelation 9:15

Pun ummoyna inuḵasan dida te dida nisagana si ustuustu we tawon ḵan buḻan, aḻgaw ya orase umoyda pumatoy atte inḵaḵlun da tagu.

Revelation 9:18

Nanḵaḵatoy da inḵaḵlun da tagu gapu'tte sadi ye apuy, asuḵ ya sa sulfur we maḻpu'tta sungadda.