Revelation 8:11 - Sa Ugud Apudyus

¹¹ Sa ngadan ni sanate bituwon, Ampait. Pun pummait inḵaḵlun da danum woḵ adu da natoye tagu te ininumda ampaite danum.

Revelation 8:11 ပူးပေါင်းရင်းမြစ်များ

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 8:7

Nanangguyub ḵad ummunae anghel, inninggaw daḻaḻu ya sa apuye naḵamsan aḵ daḻae naottag ad luta woḵ nasgob inḵaḵlun ni annae luta, isuna bos atta ḵayu ya da losane lumun.

Revelation 9:15

Pun ummoyna inuḵasan dida te dida nisagana si ustuustu we tawon ḵan buḻan, aḻgaw ya orase umoyda pumatoy atte inḵaḵlun da tagu.

Revelation 9:18

Nanḵaḵatoy da inḵaḵlun da tagu gapu'tte sadi ye apuy, asuḵ ya sa sulfur we maḻpu'tta sungadda.