Revelation 8:10 - Sa Ugud Apudyus

¹⁰ Naabus ḵad, nanangguyub ḵumaḵlu we anghel woḵ naottag daḵoḻane bituwone naḻpu'd langite isunan silawe umapuapuy. Pun naottag atte inḵaḵlun da tawwang ya da bubun.

Revelation 8:10 ပူးပေါင်းရင်းမြစ်များ

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Luke 10:18

Ḵanan Jesus, “Innilaḵ aḵ Satan we naottage naḻpu'd langite isun di ḵilat.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.

Revelation 1:20

Ḵaḵna nitataḻu we ḵapaoyan da pitu we bituwone innilam atte madawinane imaḵ ya da pitu we buḻawane sasap-aḻan da silaw. Da pitu we bituwon, dida da anghel we angayyuwan atta pitu we gimung da namati. Da pitu ḵade buḻawane sasap-aḻan da silaw, dida da pitu we gimung da namati.”

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 14:7

Ḵananae nangidangsoḻe gumminga, “Isipogyu'ḵ Apudyus ya bigbigonyu ḵinangatuna te dummatong timpu we anguwisana'tta tagu. Idaydayawyu nangwa'd langit ya ad luta, da baybay, da bubun ya da tawwang.”

Revelation 16:4

Ummoy os ni ḵumaḵlu we anghel intuyaḵ inggaw si maḻuḵungna'tta tawwang ya da bubun woḵ nambalindae daḻa.

Revelation 6:13

Da bituwon ḵad os ad langit, naottagda si lutae isun ni bungan ni ḵayu we maduganaḵ daampun maḻ-um nu mayugayug si ampigsae bali.

Revelation 8:7

Nanangguyub ḵad ummunae anghel, inninggaw daḻaḻu ya sa apuye naḵamsan aḵ daḻae naottag ad luta woḵ nasgob inḵaḵlun ni annae luta, isuna bos atta ḵayu ya da losane lumun.

Revelation 9:1

Naabus ḵad, nanangguyub ḵumalimae anghel woḵ innilaḵ bituwone naottag sina'd lutae naḻpu'd langit. Sa annae bituwon naittan aḵ tuḻbiḵe anuḻbiḵna si onob ni abute ippun patinggan ni ḵaadaḻomna.

Revelation 9:15

Pun ummoyna inuḵasan dida te dida nisagana si ustuustu we tawon ḵan buḻan, aḻgaw ya orase umoyda pumatoy atte inḵaḵlun da tagu.

Revelation 9:18

Nanḵaḵatoy da inḵaḵlun da tagu gapu'tte sadi ye apuy, asuḵ ya sa sulfur we maḻpu'tta sungadda.