Revelation 7:4 - Sa Ugud Apudyus

⁴ Pun dingngoḻḵu belang da tagu we namaḻḵaan. Umoye naḻpaan aḵ opatpuḻu ya opatlibu we naḻpuda'tta ganaḵ da nasawaḻan aḵ duwae abeng Israel.

Revelation 7:4 ပူးပေါင်းရင်းမြစ်များ

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.

Luke 14:22

Pune sadi ummoy. Nipauli ḵad ḵanana si apuna, ‘Apu tinuttuwaḵ da imbilinnu yaḵon sissiyae awad da maigawan.’

Luke 22:30

Ḵooḵ sanat ta midoga ḵayu ḵan saḵon maḵainum ya maḵaḵan si ampangataḵ ya tumuḵdu ḵayu bos si trono we ampangat ḵan anguwis atta ganaḵ da nasawaḻan aḵ duwae abeng Israel.”

Acts 26:7

Sa sanae inkarin Apudyus, sanat namnamaon da ganaḵ da nasawaḻan aḵ duwae abeng Israel we mituttuwa ḵan dida. Siya gapunae nandaydayawda ḵan Apudyus atte inaḻgaw ḵan nilabi. Gapu si annae namnamae inkarin Apudyus, siya namabasuḻan da Judyu ḵan saḵon, Apu Ari.

Romans 9:27

Ḵad sa imbagan Profeta Isaiah si mipanggob atta ganaḵ Israel, ḵanana, “Taḵon ay nu amoamod da ganaḵ Israel we isunan ḵaadun da gallis atte baybay, aḵit da taguwon Apudyus ḵan dida.

James 1:1

Kumusta ḵayu? Saḵon aḵ James we sammilun Apudyus ya aḵ Apu Jesu Kristu. Annaya suḻatḵu'tta Judyu we namati ye naas-asipaḻaḵ atta udume ili.

Revelation 14:1

Nantollongaḵ ḵad os ḵasin, andi Ubbu we Karnero we tataḵdog atte beleg Zion. Ḵad inninggaw os da tataḵdoge nidoga ḵan siyae naḻpaan aḵ opatpuḻu ya opatlibu we tagu we nigili'tta ḵidayda ngadan ni Ubbu we Karnero ya sa ngadan Amanae Apudyus.

Revelation 14:3

Da naḻpaan aḵ opatpuḻu ya opatlibu we tagu, summisiḵaddae nansagung atte trono ya da opate matattagu we ḵingwam ya da angipangpangu. Nanḵantada si baru we ḵantae abusda'ḵ nangigammu we nasubute naḻpu'd luta.

Revelation 7:5

Bagil nasawaḻan aḵ duwae libu da namaḻḵaan atta ganaḵ da abeng Israel we da Judah, Reuben, Gad, Asher, Naphtali, Manasseh, Simeon, Levi, Issachar, Zebulun, Joseph ya aḵ Benjamin.

Revelation 9:16

Nibaga ḵan saḵon iyap da suḻdadu we nangabayu we duwanggasute million.