Revelation 6:8 - Sa Ugud Apudyus

⁸ Intollongḵu ḵad, innilaḵ buute ḵabayu. Sa nangabayu ḵad nangngadan aḵ Ḵatoy ya sa ummun-unud ḵan siya nangngadan aḵ Hades we igaw da natoy. Naittanda'ḵ ḵaḻabbongane anadail atte inḵapat da tagu sina'd luta. Gongatonda da udum atte ispada, da udum atte inggi, da udum atte dayang-as ya da udume gongaton da atape ayam sina'd luta.

Revelation 6:8 ပူးပေါင်းရင်းမြစ်များ

Matthew 11:23

“Diḵayu ḵade iCapernaum, sosomḵonyu ḵad aine midayaw ḵayu'd langit? Naid! Sa maḵwa, aaddi ye miballu ḵayu'd Hades, sa igaw da natoye madusaanyu! Te nu ad Sodom oḵyan nangwaaḵ atte nakaskasdaawe isun da ḵingwaḵ atta iliyu, dagus nine nambabawida'tta basuḻda ya adimpun nin oḵyan Apudyus dinadail ilida ḵad awad oḵyane sissiya'd Sodom sina inggana sinsadi.

Matthew 24:7

Te anggugubat yan da adu we ili ya da adu we gubilnu. Ḵad awad os da lunig ḵan inggi'tta adu we ili.

1 Corinthians 15:55

Ḵad ḵanan os Apudyus, “Siḵa ḵatoy, naippun ogon angngogam ḵad siḵa ḵatoy dimman ḵabooḻame amaḵaḻam?”

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Revelation 9:15

Pun ummoyna inuḵasan dida te dida nisagana si ustuustu we tawon ḵan buḻan, aḻgaw ya orase umoyda pumatoy atte inḵaḵlun da tagu.

Revelation 9:18

Nanḵaḵatoy da inḵaḵlun da tagu gapu'tte sadi ye apuy, asuḵ ya sa sulfur we maḻpu'tta sungadda.