Revelation 6:7 - Sa Ugud Apudyus

⁷ Niloḵtan ḵad ni Ubbu we Karnero ḵumapate maḻḵan ni naḻuḵube ḵopel, dingngoḻḵu gingan ni ḵumapate matattagu we ḵingwame ḵanana, “Umaliḵa!”

Revelation 6:7 ပူးပေါင်းရင်းမြစ်များ

Matthew 27:66

Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.

Revelation 4:7

Sa ḵatollongan ni ummunae ḵingwana isunan lion, sa ḵumagwa isunan baḵa, sa ḵumaḵlu isunan bosaḻ di tagu ya sa ḵumapat isuna daḵoḻe buḵawe antattayap.

Revelation 6:1

Pun innilaḵe niloḵtan ni Ubbu we Karnero osa'tta pitu we maḻḵan ni naḻuḵube ḵopel woḵ dingngoḻḵu isunan ḵiduḻe gingan ni osa'tta opate matattagu we ḵingwam. Ḵanana, “Umaliḵa!”

Revelation 6:3

Naabus ḵad, niloḵtan ni Ubbu we Karnero ḵumagwae maḻḵan ni naḻuḵube ḵopel woḵ dingngoḻḵu gingan ni ḵumagwae matattagu we ḵingwame ḵanana, “Umaliḵa!”

Revelation 6:5

Pun niloḵtan ḵad ni Ubbu we Karnero ḵumaḵlu we maḻḵan ni naḻuḵube ḵopel, dingngoḻḵu gingan ni ḵumaḵlu we matattagu we ḵingwam. Ḵanana, “Umaliḵa!” Intollongḵu ḵad, innilaḵ ngitite ḵabayu. Sa nangabayu ḵad, aangdon aḵ timbangan.