Revelation 5:9 - Sa Ugud Apudyus

⁹ Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 5:9 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Corinthians 6:20

te nasubut taḵu'ḵ amod. Pun ḵasapuḻane usaron taḵu long-ag taḵu'ḵ madayawan Apudyus.

1 Corinthians 7:23

Nasubut ḵayu'ḵ amod. Pun daḵampun oḵyan aḵ ambalin ḵayu'ḵ musassun da tagu.

Ephesians 1:7

Te gapu si pummoy-asan ni daḻan Jesu Kristu si natoyana, nasubut taḵu we piona ḵanan napakawan da basuḻ taḵu. Sana nail-an ni ummamdane ḵinabaḻun Apudyus

Ephesians 5:19

Te nu siya angidaḻan si somsomoḵyu, magimung ḵayu ḵad, ḵantaonyu da ḵantae naḻpuda'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus. Ḵad daḵampun aḵ abus sungadyu'ḵ angiḵanta yaḵon maḻpu oḵyan si pusuyu.

Colossians 1:14

we sa nanubut ḵan ditaḵu, sa piona ḵanan napakawan da basuḻ taḵu.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 11:14

Da tagu we angugud atte ḵaḵna, nalawage angngitda'ḵ mismu we ilida.

2 Peter 2:1

Yaḵon inninggaw os da sinan profeta we niḵamos atta tagu si awe. Ḵad isuna bos sinsanae awad da asi angidatong atta daḵampun aḵ tuttuwae tuttudu we naḻpuda'tte sabali ye grupu we maḵadadail atte pammati. Ḵad puḵlitanda'ḵ Apu taḵu we nanubut ḵan dida. Pun maaddaganda'tte madusaanda ḵan Apudyus.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 2:2

Siya bos nangidatun atte long-agna ta maḵaan sangan Apudyus ya mapakawan da basuḻ taḵu ya daḵampun aḵ abus da basuḻ taḵu yaḵon da basuḻ os da losane tagu'tte annae lubung.

Revelation 10:11

Inninggaw nangibaga ḵan saḵon ḵanane, “Ḵasapuḻane ḵasinnu ipadtu da maḵwa'tta ḵinailin di ili ya da grupun da tagu we nansabasabali gingada ḵan ḵublitda ya da arida.”

Revelation 11:9

Tuḻun aḻgaw ya gogwae ilan da tagu we lumaus da ladag. Da sanae tagu, maḻpuda'tta losane ili ya da losane tribu ya da tagu we nansabasabali gingada ḵan naḻpuwanda. Ḵad adidapun iyunude milibonda.

Revelation 13:7

Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Revelation 14:6

Pun innilaḵ osae anghel we antattayap ad ngatu. Inninggaw ḵan siya Ambaḻu we Damag we sa ippun ambaliwana'ḵ ingganae umoyna iwaḻagawag atta tagu'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 17:15

Pinagatupan ni anghel we nangibaga ḵan saḵon woḵ ḵanana, “Da tawwange innilame tummutuḵduwan ni puta, dida da amoamode tagu'tta losane ili ya da tagu we nansabasabali gingada ḵan naḻpuwanda.

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”

Revelation 5:12

Ḵanandae nangidangsoḻ, “Sa Ubbu we Karnero we napatoy, ḵaḻabbonganae awaton ḵabooḻan, ḵinabaḵnang, ḵinalaing, ḵinapigsa, ḵinapatog, ḵinadayaw ḵan anggappiyaan.”

Revelation 5:6

Inugudna ḵad sadi, innilaḵ Ubbu we Karnero we sisiḵad si gaggawan da opate matattagu we ḵingwam ya da angipangpangu we niliḵwosda trono. Sa ḵatollongan ḵad ni Ubbu we Karnero isuna ḵatollongan ni napatoy. Pitu sakkudna ya pitu bos atanae dida da pitu we Ispiritu Santu we imbuunna'tta losane ili'd luta.