Revelation 4:8 - Sa Ugud Apudyus

⁸ Ḵad da sanae opate ḵingwana, napayaḵanda bos aḵ sin-oonom ya losan ata long-agda taḵon ay ad daḻom si payaḵda. Inaḻgaw ḵan nilabi, adidapun paat iginoḵe anḵanta. Ḵanandae angiḵanḵanta, “Aḵ Apudyus abus aḵ gattoḵe nasantuwan! Siya maḵabooḻ atta losan. Inninggaw si awe, iinggaw sinsadi ya iinggaw aḵ inggana.”

Revelation 4:8 ပူးပေါင်းရင်းမြစ်များ

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

2 Corinthians 6:18

Te nu ḵoonyu ḵatti, mibelangaḵe amayu ya diḵayu da abengḵu. Sana ḵanan Apu we maḵabooḻ.”

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Hebrews 13:8

Aḵ Jesu Kristu adipun ambalbaliw, yaḵon sumisissiya si awe, sinsadi ya aḵ inggana.

Revelation 1:4

Annaya suḻatḵu'tta pitu we gimung da namati'tte probinsiya'd Asia. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we inninggaw si awe, iinggaw sinsana ya aḵ inggana. Naḻpu bos atta pitu we ispiritu we inggaw si sangun ni tronona.

Revelation 1:8

Ḵanan Apu we Apudyus, “Saḵon nangadanan aḵ Alpha ḵan Omega. Saḵon Apudyus we maḵabooḻ atta losane inninggaw si awe, iinggaw sinsana ya aḵ inggana.”

Revelation 11:17

ḵananda, “Anggappiya ḵani ḵan siḵa Apudyus we maḵabooḻ atta losan, siḵa inninggaw si awe ya iinggaw sinsadi, te impailam nakaskasdaawe ḵabooḻam, ḵad insaḻadnu we ampangat.

Revelation 14:11

Pasige ampangatu asuḵe maḻpu si apuye amaḵaḻam ḵan dida'ḵ inggana. Aḻgaw ḵan labi ye ippun umillongan da ampaḵaḻamanda te nandayawda'tte ḵaog-ogyate ayam ya sa sinan-ayame ḵais-isuna ya nampamaḻḵada'tte ngadan ni ḵaog-ogyate ayam.”

Revelation 14:3

Da naḻpaan aḵ opatpuḻu ya opatlibu we tagu, summisiḵaddae nansagung atte trono ya da opate matattagu we ḵingwam ya da angipangpangu. Nanḵantada si baru we ḵantae abusda'ḵ nangigammu we nasubute naḻpu'd luta.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 15:7

Pun sa osa'tta opate matattagu we ḵingwam, iwwaḻasna'tta pitu we anghel da pitu we maḻuḵunge buḻawane napnuda'tte sangan Apudyus we matattagu'ḵ inggana.

Revelation 16:14

Da sanae ispiritu, dimunyuda ḵan lamogda ḵoon da nakaskasdaaw. Ḵad ummoyda ta daguponda da ari'tta losane ili'tte lubung ta umoyda gubaton aḵ Apudyus we maḵabooḻ atta losan si ampatoge aḻgawna.

Revelation 16:7

Dingngoḻḵu bos gingae naḻpu si altar we ḵanana, “On Apu we Apudyus we maḵabooḻ atta losan, tuttuwa sanat te naun-unan ya ustuustu andudusam atta tagu.”

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.

Revelation 19:4

Ḵad da duwampuḻu ya opate angipangpangu ya da opate matattagu we ḵingwam, nanalluḵudae nangidaydayaw ḵan Apudyus we tutuḵdu si trono. Ḵananda, “Amen! Madaydayaw aḵ Apudyus!”

Revelation 21:22

Naippun innilaḵ aḵ templo'tte sanate siyudad te aḵ Apudyus we Apu we maḵabooḻ atte losan ya sa Ubbu we Karnero, didae mismu templon ni siyudad.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

Revelation 4:4

Sa nampaliḵwos atte trono, inggaw os da duwampuḻu ya opate trono we tummutuḵduwan da duwampuḻu ya opate angipangpangu. Nampassilupda'ḵ itaḵe silup ya nakoronaanda'ḵ buḻawan.

Revelation 4:6

Sa sinagung os ni trono, inninggaw isunan baybaye sa ḵatollongana isun di ampoḻḵase samling ḵan kristal we sumelaselap. Sa adani si opate igid ni trono, inninggaw da opate matattagu we ḵingwanae sa long-agda, pasige ata sinagungda ya siya bos atta odogda.

Revelation 4:9

Ḵad da annae opate matattagu we ḵingwana andaydayawda, ipatpatogda ya anggappiyada si tutuḵdu'tte trono we sa matattagu'ḵ inggana.

Revelation 5:6

Inugudna ḵad sadi, innilaḵ Ubbu we Karnero we sisiḵad si gaggawan da opate matattagu we ḵingwam ya da angipangpangu we niliḵwosda trono. Sa ḵatollongan ḵad ni Ubbu we Karnero isuna ḵatollongan ni napatoy. Pitu sakkudna ya pitu bos atanae dida da pitu we Ispiritu Santu we imbuunna'tta losane ili'd luta.

Revelation 6:1

Pun innilaḵe niloḵtan ni Ubbu we Karnero osa'tta pitu we maḻḵan ni naḻuḵube ḵopel woḵ dingngoḻḵu isunan ḵiduḻe gingan ni osa'tta opate matattagu we ḵingwam. Ḵanana, “Umaliḵa!”

Revelation 6:6

Dingngoḻḵu isun di gingae naḻpu si gawan da opate matattagu we ḵingwame ḵanana, “Sa umali ye aḻgaw, awad de inggi. Ḵad sa tangdan ni osae tagu'tte sin-aḻgaw duwan supae wheat baḵon nu gogwan di kilo we arinae barley ye ossaane palata nginana. Yaḵon adim dadailon mantika ya sa bayas.”

Revelation 7:11

Inninggaw os da losane anghel atte nampaliḵwos si trono ya da angipangpangu ya da opate matattagu we ḵingwam. Nanalluḵuda'tte sinagung ni trono woḵ nandaydayawda ḵan Apudyus,

Revelation 7:15

Pun sana gapunae awadda si sinagung ni tronon Apudyus we anserserbi ḵan siya si templona'tte inaḻgaw ya nilabi. Sa awad atte trono, patilayune buḻunna dida ya taltalliḵunana dida.