Revelation 4:11 - Sa Ugud Apudyus

¹¹ “Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”

Revelation 4:11 ပူးပေါင်းရင်းမြစ်များ

Acts 14:15

“Susunud, ngaipayu ḵoon ḵaḵnat? Tagu ḵani bose isuyu. Ummali ḵani sina ta iwaḻagawagni ḵan diḵayu Ambaḻu we Damag ta an-awidanyu da annae ippun anudae sinan-apudyus ta amati ḵayu ḵan Apudyus we matattagu we nangwa si langit, luta, baybay ya da losane awad.

Acts 17:24

Siya Apudyus we nangwa'tte lubung ya da losane awad sina. Ḵad adipun inggaw atte templo we ḵingwan di tagu te siya Apu'd langit ya ad luta.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

Ephesians 3:9

Ḵad ipaḵaawatḵu'tta losane tagu inon ni planun Apudyus we mituttuwa. Aḵ Apudyus we nangwa'tta losan, adinapun impaigammu planuna si awe.

Hebrews 1:10

Ḵanana bos, “Inggan ni laplapuna, siḵa Apu we nangwa si annae lubung ya da losane awad ad langit.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Revelation 1:6

Ḵad indogana ditaḵu si ampangatana woḵ ḵingwana ditaḵu'ḵ papadi ye anserbi ḵan Apudyus we Apudyusna ya Amana. Aḵ Jesu Kristu oḵyan madaydayaw ya ampangat aḵ inggainggana. Amen.

Revelation 10:6

woḵ nansapata'tte ngadan Apudyus we matattagu'ḵ ingganae nangwa'tta langit, luta, baybay ya da losane awad ḵan dida. Ḵanana, “Naippun oḵyan ogon mitaḻyanan da maḵwa.

Revelation 14:7

Ḵananae nangidangsoḻe gumminga, “Isipogyu'ḵ Apudyus ya bigbigonyu ḵinangatuna te dummatong timpu we anguwisana'tta tagu. Idaydayawyu nangwa'd langit ya ad luta, da baybay, da bubun ya da tawwang.”

Revelation 19:1

Naabus ḵad, dingngoḻḵu andangsodangsoḻe gingae isunan gingan di ummamdane tagu'd langite ḵanandae angiḵanḵanta, “Madaydayaw aḵ Apudyus taḵu! Bigbigon taḵu we maḵabooḻe nanagu ḵan ditaḵu ya bigbigon taḵu ḵinangatuna.

Revelation 5:12

Ḵanandae nangidangsoḻ, “Sa Ubbu we Karnero we napatoy, ḵaḻabbonganae awaton ḵabooḻan, ḵinabaḵnang, ḵinalaing, ḵinapigsa, ḵinapatog, ḵinadayaw ḵan anggappiyaan.”

Revelation 5:2

Innilaḵ os anghel we daḵoḻ ḵabooḻanae iwwaḻagawagna'tte andangsoḻe gingae ḵanana, “Ngai ḵamman awad ḵaḻabbonganae alloḵta'tta sanae maḻḵa ta buḵyagona naḻuḵube ḵopel?”

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.