Revelation 3:19 - Sa Ugud Apudyus

¹⁹ Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.

Revelation 3:19 ပူးပေါင်းရင်းမြစ်များ

Matthew 25:7

Pun losan nabanangon da sadi ye babaḻasang woḵ insaganada da silawda.

John 2:17

Pune sadi, inḵagasmoḵ da disipuluna nigili ye Ugud Apudyus we ḵanana, “Sa angipatogaḵ si boḻoynu we adidapun patgan, siya matoyaḵ.”

Romans 12:11

Adi ḵayu andadauy yaḵon pumangog ḵayu we anserbi ḵan Apu Jesu Kristu.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

2 Corinthians 6:9

Ḵanan da udum, “Ippun angigammu ḵan diḵani,” yaḵon sa ḵatuttuwaan adu da tagu we angigammu ḵan diḵani. Pasigni sasaggungon ḵatoy yaḵon sinsadi tuttuwae sissiyae matattagu ḵani. Taḵon ay nu nampaḵaḻam ḵani, adiḵanipun natoy.

2 Corinthians 7:11

Te ilanyu ḵad ḵabaḻun ni ḵingwan Apudyus gapu'tte nandadauyan ni somsomoḵyu. Sinsadi, ibungana ayatyu we angwa'tta ambaḻu ya ipapatiyu ipailae ustu da ḵoonyu. Summanga ḵayu gapu'tte naḵwa ḵan diḵayu ya maḵimut ḵayu'ḵ dusaon Apudyus diḵayu gapu'tta basuḻyu. Pionyu pagay os ilan saḵon ya allaylayad ḵayu bose angwa'tta imbagaḵ. Pionyu bose anusa'tte tagu we naḵabasuḻ. Gapu'tta losane ḵingwayu, nipailae ippun mipabasuḻ ḵan diḵayu gapu'tte naḵabasuḻan da sadi ye tagu.

Galatians 4:18

Ustu masosomḵan tagu si buḻunna amod ay nu ambaḻu panggobnae isun ni ḵooḵ ḵan diḵayu, annaaḵ man baḵon nu naidaḵpun.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.