Revelation 3:18 - Sa Ugud Apudyus

¹⁸ Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.

Revelation 3:18 ပူးပေါင်းရင်းမြစ်များ

Matthew 13:44

Pinagatupan Jesus woḵ ḵanana, “Sa ampangatan Apudyus mipani si buḻawane niḵaḻuube indasan ni osae tagu'tte uma. Gapu si layadna, ḵasinna tinab-unan woḵ ummoyna ingngina da losane ḵuḵuwana woḵ nipauli ta ngin-ana sadi ye umae nangdasana'tte buḻawan.

Matthew 25:9

“Yaḵon ḵanan da nalainge limae babaḻasang, ‘Naid! Adinipun paat ḵoon ḵaḵnat! Te adinipun lamog. Inḵayu'tte tendaan ngumina'ḵ ḵuwayu.’

Luke 12:21

Pun ḵanan Jesus we nangiyanungus, “Ḵaḵnat maḵwa'tta tagu we amompon aḵ binaḵnang atta long-agda yaḵon adidapun ipatog da banage ibelang Apudyus aḵ ampatog.”

2 Corinthians 5:3

ta adi taḵu isun di amboboddang nu tenan taḵu gagangaye long-ag taḵu.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

1 Peter 1:7

Sa gapunae padasonyu da sanae ampaḵaḻaman, maḵwada ta mapanoḵnoḵan gattoḵe pammatiyu. Sa pammatiyu isunan buḻawane mapadas si apuy ta mapanoḵnoḵan nu tuttuwae buḻawan. Ampatog tuwa buḻawan yaḵon abuse madadail. Yaḵon amo napatpatog pammatiyu. Pun nu mapanoḵnoḵan pammatiyu, ambanag si midayaw ḵayu, mitaḻayag ḵayu ḵan mapatgan ḵayu si mipauliyan Jesu Kristu.

Revelation 16:15

Ḵade sadi, nandaḵdaḵngonda da ari ya da suḻdaduda'tte igawe nangadanan aḵ Armageddon atte Hinebrew. Ḵanan Apu Jesus, “Dongngonyu annae ibagaḵ. Sa umaliyaḵ mapoḵḵatane isun ni umaliyan ni aḵḵawan. Pian tagu we adi masuyop ya masisillupan ta adi maodasane amboboddang ya mabain atte sinagung da adu we tagu nu dumatongaḵ.”

Revelation 19:8

te niyunude iḵabotna ampatoge silupe itaḵe sumilisiling ya ampoḻḵapoḻḵas.” Sa pion ni itaḵe silup ḵanan, da naun-unane ḵingwan da tagun Apudyus.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 3:17

Te ḵananyu we baḵnang ḵayu ya awad ḵan diḵayu da losane ḵasapuḻanyu. Yaḵon adiyupun igammu we sa ḵatuttuwaan, ḵaddagu ḵayu, ḵapus ḵayu, amboboddang ḵayu ya naḵuḻap ḵayu.

Revelation 4:4

Sa nampaliḵwos atte trono, inggaw os da duwampuḻu ya opate trono we tummutuḵduwan da duwampuḻu ya opate angipangpangu. Nampassilupda'ḵ itaḵe silup ya nakoronaanda'ḵ buḻawan.

Revelation 7:13

Pun ḵanan ni osa'tta angipangpangu we nangimus ḵan saḵon, “Igammum ḵad ain nu ngai da annae nampassilup aḵ itaḵe langgoyod ya nu dinu naḻpuwanda?”