Revelation 22:2 - Sa Ugud Apudyus

² Ḵad an-ayus atte gaggawan ni ḵaḻsa'tte sadi ye siyudad. Sa nandomang atte sanae tawwang, inggaw da ḵayu we angitod atte biyag. Binuḻane amungada. Ḵad sa tubun da sanae ḵayu, usaronda iyagas atta tagu'tta ḵinailin di ili ta adida masaḵit.

Revelation 22:2 ပူးပေါင်းရင်းမြစ်များ

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 21:21

Da nasawaḻan ḵad aḵ duwae lewangan, sin-ossae perlas ḵopyan ni osae lewangan. Ḵad sa ḵaḻsan ni sadi ye siyudad, napan-ige buḻawan ya ampoḻḵase isun di samling.

Revelation 21:24

Ḵad da tagu'd luta, masilawanda si ḵinapaddana ya an-iyoy da losane ari'tta ḵinabaḵnangda sidi.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

Revelation 22:14

“Pian da tagu we anaḵsaḵ atta langgoyode silupda te awad de ḵaḻabbongandae lumnoḵ atte lewangan ni sadi ye siyudad ḵan angan atte bungan ni ḵayu we angitod si biyag.

Revelation 22:19

Nu awad os osa'ḵ ḵaanona udum atta annae nipadtu si annae iblu, ḵaanan os Apudyus ḵaḻabbonganae maḵaḵan atte bungan ni ḵayu we angitod si biyag ya sa ḵaḻabbonganae inggaw atte siyudad Apudyus we nibaga'tte annae iblu.