Revelation 22:18 - Sa Ugud Apudyus

¹⁸ Annae bagbagaaḵ losan diḵayu we nangngoḻ si nipadtu'tte annae iblu: Nu awad osa'ḵ dog-ana annae nagangpute nigili, dog-an os Apudyus ḵan siya da ampaḵaḻamane nibaga'tte anna.

Revelation 22:18 ပူးပေါင်းရင်းမြစ်များ

Matthew 15:13

Ḵanan Jesus we nangipani, “Sa umali ye aḻgaw, da losane muḻae daḵampun aḵ immuḻan Amaḵ we awad ad langit, mabagutda.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

Revelation 1:3

Pian tagu we angidangsoḻe amasa'tte annae padtu we nipaigammu ḵad pian os da andongoḻ ya amati'tta losane nigili si anna te madam-an timpu we mituttuwaanda.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 15:6

Pun tummoḵwaḻdae naḻpu si templo da pitu we anghel we nitaḻgodan da pitu we ampaḵaḻaman. Nampassilupda'tta itaḵe ampoḻḵas ya da sumelaselape silup ya niyaliwaḵos atta baḻuḵungda da buḻawane taḵyad.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

Revelation 22:10

Pun pinagatupana woḵ ḵanana, “Adim ililimod mipanggob atta nipadtu we da nigili'tte annae iblu te madam-an mituttuwaanda.

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

Revelation 22:7

Pune sadi ḵanan Jesus, “Dongngonyu anna. Madam-an angulinaḵ. Pian tagu we tuttuwaona da ngaimane nipadtu si annae iblu.”

Revelation 22:9

Yaḵon ḵanana ḵan saḵon, “Adipun ḵasapuḻane ḵoom ḵaḵnat! Aḵ Apudyus abus aḵ dayawom! Te anserbiyaḵ os ḵan Apudyus we isuna bos ḵan siḵa ya da susunudnu ḵan Kristu we da profetan Apudyus ya da losane tumuttuwa'tta nigili'tte annae iblu.”

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.