Revelation 22:11 - Sa Ugud Apudyus

¹¹ Da dam-on angwa'tta lawweng ya da ḵaissaw, ḵinnuwandae pagatupandae angwa'tta lawweng ya da ḵaissaw. Da dam-on angwa'tta naun-unan ya sa ambaḻu we antatagu, ḵinnuwanda bose pagatupandae angwa'tta naun-unan ya angunud atte ambaḻu we antatagu.”

Revelation 22:11 ပူးပေါင်းရင်းမြစ်များ

Matthew 15:14

Sinnamaḻ da Pharisee te isudan naḵuḻape ipuyutda asinḵuḻapda. Ḵad nu ipuyut ni naḵuḻap asinḵuḻapna, aaddi ye maottagda losan si abut.”

Matthew 21:19

Innilana ḵad ḵayu we fig si igid ni ḵaḻsa, ummoyna inadani nu awad bungana yaḵon naippun indasana, abus tubuna. Pun ḵanan Jesus si ḵayu, “Inggana sinsadi, adiḵa ogon amunga!” Pun daguse naḻ-uy sadi ye ḵayu.

Matthew 25:10

“Ḵesanda ḵade ummoy ngumina'tte tendaan, nadanatong laḻaḵi ye ankasar. Pun da limae naḵasagana, nibuḻunda ḵan siya'tte kasar woḵ niyonob sawang.

Matthew 5:45

ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng.

Matthew 5:6

Pian da tagu we amaamayondae angwa'tta naun-unan te badangan Apudyus didae angwa si piniona.

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

Ephesians 5:27

Ḵingwana ḵatti ta umali ḵade angayag ḵan ditaḵu we namati ḵan siya, ambaḻu ugali taḵu si antotollongna ya ippun ḵadellawan taḵu we isun ni bubai ye mikasar we ambaḻubaḻu ya ippun ḵaissawna ḵan dipiḵtuna.

Colossians 1:22

Yaḵon sinsadi nagangpute nipaḻ-og maḵabuḻbuḻunanyu ḵan Apudyus te aḵ Kristu natoy si nangidatunana'tte mismu we long-agna ta bumaḻu ugaliyu ya ippun ḵadellawanyu ḵan ipabasuḻda ḵan diḵayu si amataḵdogana ḵan diḵayu si sinagungna.

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.

Revelation 16:21

Ḵad naottag da danaḵḵoḻe daḻaḻu we naḻpu'd langite umoye limampuḻu we kilo dagson ni osa woḵ nitup-ugda'tta tagu. Yaḵon amo nan-uguugudda'ḵ misullagi ḵan Apudyus gapu'tta sanae daḻaḻu ya da ḵaog-ogyate ampaḵaḻaman.

Revelation 22:3

Ḵad naippun ogon aḻawage sa isun ni imbagan Apudyus atte awe. Sa tronon Apudyus ya sa Ubbu we Karnero, awad atte sanate siyudad ya da losane anserbi ḵan Apudyus, andaydayawda ḵan siya.