Revelation 21:8 - Sa Ugud Apudyus

⁸ Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Revelation 21:8 ပူးပေါင်းရင်းမြစ်များ

Matthew 10:28

Adiyu isipog da lamogda gongaton da long-agyu yaḵon naippun lamogdae angongat atta ḵalidodwayu. Sa isipogyu oḵyan, aḵ Apudyus. Te lamogna dadailon long-ag ḵan ḵalidodwa'd infiernu.

Matthew 25:25

Pun ummoyḵu inḵaḻuub palatam te maḵimutaḵ ḵan siḵa. Annaya gaye ipauliḵ.’

Matthew 8:26

Ḵanan Jesus, “Ngaipa ḵayu maḵimut? Naippun ḵamman pammatiyu?” Pun tummaḵdog woḵ binilinna da bibbid ya da tupiyaḵ ta guminoḵda. Pun ḵawagase gumminoḵda.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

2 Thessalonians 2:9

Yaḵon sa daannapun madadailan, inggaw ḵan siya ḵabooḻan Satan ya impailana da tinutuli ye nakaskasdaaw ya da sinyal,

1 Timothy 4:2

Sa annae tuttudu, naḻpu'tta ḵapappailae tagu we adipun ansigab somsomoḵda nu antultullida te ummingsadae antultulli.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

1 John 2:22

Ngai ḵad ain tuliyan nu adi sa angibagae aḵ Jesus daḵampun aḵ siya Kristu we imbuun Apudyus? Sa tagu we angibaga'tte ḵaḵna, sullagiyona'ḵ Kristu. Adinapun bigbigon Abeng Apudyus ya aḵ Apudyus we Ama.

1 John 3:15

Te ngaimane sasangngaana asintataguna isuna pumappatoy ḵad igammu taḵu we sa pumappatoy naippun ḵan siya biyag aḵ inggana.

1 John 5:10

Pun ngaimane amati si Abeng Apudyus, nimumuḻa'tte somsomoḵna panoḵnoḵ Apudyus atte mipanggob ḵan siya. Yaḵon sa adipun amati si imbagan Apudyus, ambalinonae tuliyan aḵ Apudyus te adinapun patiyon impanoḵnoḵnae mipanggob atte Abengna.

Revelation 14:10

uminumda bos si ampigsae bayas Apudyus we adipun naḵamsan. Sa piona ḵanan mapadasda ummamdane andudusan Apudyus we ippun ḵadaguna te ummamdan sangana. Ḵad ampaḵaḻamda'tte gumilgillayabe apuy ya sa sulfur atte antotollong da anghelna ya sa Ubbu we Karnero.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 2:11

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, adidapun midoga'tte dusa'ḵ inggana'tte ḵumagwae matoyan da tagu.’ ”

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”

Revelation 9:17

Sa ḵatollongan da ḵabayu ya da nangabayu, ḵaḵna nipaila ḵan saḵon atte isun di in-inop: Da taḵupaḻ ḵad da baḻuḵungda, tuḻu we kalasi ye kolor. Awad de dilaag, blue ya sa ngela. Sa uḻun ḵad da ḵabayu, isudan uḻun di lion ya maḻpu si sungadda apuy, asuḵ ya sa sulfur.

Revelation 9:21

Adidapun os imbabawi da udume ḵingwada ya adidapun iyyagaye nangwa, isun ni nangongatanda'tta tagu, sa nangaḻay-abanda'tta aḻan ta ampaḵaḻamonda da tagu ya sa miyadaḻuganda'tta daḵampun aḵ asawada ya sa nan-aḵawanda.