Revelation 21:5 - Sa Ugud Apudyus

⁵ Pun ḵanan ni tummuḵdu'tte trono, “Ilam, pabaruwoḵ da losane awad.” Ḵanana bos ḵan saḵon, “Igilim da annae imbagaḵ te mataḻgodanda ya tuttuwada.”

Revelation 21:5 ပူးပေါင်းရင်းမြစ်များ

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

Hebrews 12:27

Sa piona ḵanan, maḵaan da losane ḵingwanae mayugayug ḵad iinggaw da adipun mayugayug.

Revelation 1:11

Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

Revelation 1:19

Pun igilim da losane ipailaḵ ḵan siḵae maḵwa sinsadi ya da maḵwa'tte umali ye aḻgaw.

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Revelation 20:11

Naabus ḵad, innilaḵ daḵodaḵoḻe itaḵe trono ya innilaḵ os tummutuḵdu sidi. Ḵad sa luta ya sa langit, mawawandae isun di umawidda umadayu ḵan siya. Ḵad adidapun ogon maila.

Revelation 22:19

Nu awad os osa'ḵ ḵaanona udum atta annae nipadtu si annae iblu, ḵaanan os Apudyus ḵaḻabbonganae maḵaḵan atte bungan ni ḵayu we angitod si biyag ya sa ḵaḻabbonganae inggaw atte siyudad Apudyus we nibaga'tte annae iblu.

Revelation 22:6

Pun ḵanan ni anghel ḵan saḵon, “Tuttuwa ya mataḻgodan da losane inugudḵu ḵan diḵayu. Te aḵ Apu we Apudyus angidaḻan atte somsomoḵ da profetana. Siya bos nangibuun atte anghelna ta mipaigammu ḵan diḵayu we anserbi ḵan siya da ḵasapuḻane madam-an maḵwa.”

Revelation 4:2

Pun daguse isunan impain-inop ni Ispiritu Santu ḵan saḵon woḵ innilaḵ tronon ni ari'd langite inggawe tutuḵdu.

Revelation 4:9

Ḵad da annae opate matattagu we ḵingwana andaydayawda, ipatpatogda ya anggappiyada si tutuḵdu'tte trono we sa matattagu'ḵ inggana.

Revelation 5:1

Pun innilaḵ atte dawinane iman ni tutuḵdu'tte trono oonnanae naḻuḵube ḵopele nagiliyan labawna ya sa odogna. Ḵad awad da pitu we isunan maḻḵae nipaḵot si igidna ta adi mauḵayag.