Revelation 21:3 - Sa Ugud Apudyus

³ Pun inggaw andangsoḻe gingae dingngoḻḵu we naḻpu'tte trono we ḵanana, “Andiya miḵamboḻoyan Apudyus atta tagu ḵad bigbigonae taguna dida ya bigbigon os da tagu we anna ḵan dida Apudyusda.

Revelation 21:3 ပူးပေါင်းရင်းမြစ်များ

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

2 Corinthians 6:16

Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”

2 Corinthians 6:18

Te nu ḵoonyu ḵatti, mibelangaḵe amayu ya diḵayu da abengḵu. Sana ḵanan Apu we maḵabooḻ.”

1 Thessalonians 3:11

Itaang oḵyan pos Apudyus we Ama taḵu ya aḵ Jesus we Apu taḵu daḻanni ta maḵaali ḵani ḵasin ḵan diḵayu.

Hebrews 11:16

Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

Hebrews 8:10

Annaya baru we tuḻagḵu'tta ganaḵ Israel si umali ye aḻgaw, imuḻaḵ lintogḵu'tta somsomoḵda ya igiliḵ atta pusuda. Ḵad saḵon Apudyusda ya dida bos da taguḵ.

Hebrews 8:2

Ḵad anserbi ye ḵangatuwane padi ad langit si tuttuwae inggawan Apudyus we ḵingwana bose daḵampun si ngannonda Nasantuwane Kuwartu atte tuldae ḵingwan di tagu si awe.

Revelation 10:4

Isaḻadḵu oḵyane angigili'tta imbagan da ḵiduḻ yaḵon dingngoḻḵu gingae naḻpu'd langite ḵanana, “Adim igili imbagan da pitu we ḵiduḻ. Ilimodnu dida.”

Revelation 10:8

Pun dingngoḻḵu ḵasin gingae naḻpu'd langite ḵanana, “Inḵa aḻan nabuḵyage naḻuḵube ḵopele innonnan ni sanae anghel we summisiḵad si baybay ya sa luta.”

Revelation 12:10

Naabus ḵad, dingngoḻḵu andangsoḻe ginga'd langite ḵanana, “Annan nituttuwa sanae anaguwan Apudyus atta tagu. Dummatong aḻgawe angipail-ana si ḵabooḻanae ampangat ya sa angipail-ana si ḵaḻabbongan ni Kristunae imbuunna. Te sa namabasuḻ atta susunud taḵu ḵan Kristu atte inaḻgaw ḵan nilabi'tte sinagung ni Apudyus taḵu, niballu'd lutae naḻpu'd langit.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Revelation 22:3

Ḵad naippun ogon aḻawage sa isun ni imbagan Apudyus atte awe. Sa tronon Apudyus ya sa Ubbu we Karnero, awad atte sanate siyudad ya da losane anserbi ḵan Apudyus, andaydayawda ḵan siya.

Revelation 7:15

Pun sana gapunae awadda si sinagung ni tronon Apudyus we anserserbi ḵan siya si templona'tte inaḻgaw ya nilabi. Sa awad atte trono, patilayune buḻunna dida ya taltalliḵunana dida.