Revelation 21:23 - Sa Ugud Apudyus

²³ Sa paddan ni init ḵan soḻag, adipun os ḵasapuḻan te sa silaw ni siyudad, sa ḵinapaddan Apudyus ya sa Ubbu we Karnero.

Revelation 21:23 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

Luke 2:32

Isunan silawe allangḻang ta ipailana da pinion Apudyus atta Gentil. Gapu bos ḵan siya, midayaw da tagume ganaḵ Israel.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 1:4

Siya naḻpuwan ni biyag ya sa sanae biyag siya anilaw atta somsomoḵ da tagu.

John 1:9

Sa tuttuwae silaw, ummali si annae lubung ta silawana somsomoḵ da losane tagu.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

Acts 22:11

Yaḵon adiyaḵpun maḵaila te sa ḵinapaddan ni sadi ye padda, ḵiniwid da buḻunḵu saḵon pun inniyoyaḵ ad Damascus.

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.

Revelation 18:1

Naabus ḵad, innilaḵ osae anghel we naḻpu'd langit. Nangatu ḵaḻabbongana ya nalangḻangan luta'tte ampigsae ḵinapaddana.

Revelation 21:11

Sumilisilinge isuna ḵinapaddan Apudyus we mismu ya sa silingna ḵad, isuna siling ni ḵapatogane batu we ngannonda jasper ya ampatapataḵe isun di kristal.

Revelation 21:25

Da lewangan atte sadi ye siyudad, adidapun paat maomban te pasige aḻgaw ḵad naippun ogon labi.

Revelation 22:5

Ḵad naippun ogon labi, adidapun ogon masapuḻ paddan ni silaw baḵon nu sa init te mismu we aḵ Apudyus we Apu allangḻang ḵan dida. Ḵad maḵapangatda ḵan siya'ḵ inggainggana.

Revelation 5:6

Inugudna ḵad sadi, innilaḵ Ubbu we Karnero we sisiḵad si gaggawan da opate matattagu we ḵingwam ya da angipangpangu we niliḵwosda trono. Sa ḵatollongan ḵad ni Ubbu we Karnero isuna ḵatollongan ni napatoy. Pitu sakkudna ya pitu bos atanae dida da pitu we Ispiritu Santu we imbuunna'tta losane ili'd luta.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”