Revelation 21:22 - Sa Ugud Apudyus

²² Naippun innilaḵ aḵ templo'tte sanate siyudad te aḵ Apudyus we Apu we maḵabooḻ atte losan ya sa Ubbu we Karnero, didae mismu templon ni siyudad.

Revelation 21:22 ပူးပေါင်းရင်းမြစ်များ

Matthew 24:2

Ḵanan Jesus, “Ilanyu sinsadi da losane ḵinabaḻun da sana. Yaḵon ibagaḵ ḵan diḵayu ḵatuttuwaan, sa umali ye aḻgaw, maamin miḵisob da sanat ya miwalis ya naippun mabun-an taḵon ay ossaane batu si igawna.”

John 10:30

Saḵon ya aḵ Amaḵ, ossaan ḵani.”

John 13:32

Ḵad nu midayaw aḵ Apudyus mipagapu ḵan siya, idayaw os Apudyus we mismu ya idayawnae dagus.

John 4:21

Ḵanan Jesus, “Bubai, amatiḵa ḵan saḵon, dumatong timpu we daḵampun ogon atte annae beleg baḵon nu ad Jerusalem andayawan da tagu ḵan Apudyus we Ama.

John 4:23

Yaḵon dummatong timpu we da tuttuwae andayaw ḵan Apudyus we Ama, ḵasapuḻane andayawda ḵan siya si Ispiritu ya mibatay si ḵatuttuwaan. Te sanat da singsington Apudyus we andayaw ḵan siya.

Colossians 1:19

Te pinion Apudyus we losane ḵinaapudyusna awad atte Abengna.

Colossians 2:9

Sa ḵatuttuwaan mipanggob ḵan Kristu, nambalin tagu yaḵon awad ḵan siya da losane ḵinaapudyus Apudyus.

Revelation 1:8

Ḵanan Apu we Apudyus, “Saḵon nangadanan aḵ Alpha ḵan Omega. Saḵon Apudyus we maḵabooḻ atta losane inninggaw si awe, iinggaw sinsana ya aḵ inggana.”

Revelation 11:17

ḵananda, “Anggappiya ḵani ḵan siḵa Apudyus we maḵabooḻ atta losan, siḵa inninggaw si awe ya iinggaw sinsadi, te impailam nakaskasdaawe ḵabooḻam, ḵad insaḻadnu we ampangat.

Revelation 14:4

Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 16:14

Da sanae ispiritu, dimunyuda ḵan lamogda ḵoon da nakaskasdaaw. Ḵad ummoyda ta daguponda da ari'tta losane ili'tte lubung ta umoyda gubaton aḵ Apudyus we maḵabooḻ atta losan si ampatoge aḻgawna.

Revelation 16:7

Dingngoḻḵu bos gingae naḻpu si altar we ḵanana, “On Apu we Apudyus we maḵabooḻ atta losan, tuttuwa sanat te naun-unan ya ustuustu andudusam atta tagu.”

Revelation 19:15

Sa nangadanan aḵ Ugud Apudyus, awad ḵan siya antadome ispadae maḻpu si sungadnae siya usaronae angngog atta ḵinailin di ili. Sa angipangatana ḵan dida, usarona bastune ḵaga ya dusaonae ustu da ngaimane adi amigbig si ḵaḻabbongana. Ipailana ampaḵimute sangan ni maḵabooḻe Apudyus atta basuḻ. Te sa anusaana ḵad ḵan dida, isuna angasotan ni tagu'tta de grape atte aassotan ta mapospos baḻatda.

Revelation 4:8

Ḵad da sanae opate ḵingwana, napayaḵanda bos aḵ sin-oonom ya losan ata long-agda taḵon ay ad daḻom si payaḵda. Inaḻgaw ḵan nilabi, adidapun paat iginoḵe anḵanta. Ḵanandae angiḵanḵanta, “Aḵ Apudyus abus aḵ gattoḵe nasantuwan! Siya maḵabooḻ atta losan. Inninggaw si awe, iinggaw sinsadi ya iinggaw aḵ inggana.”

Revelation 5:6

Inugudna ḵad sadi, innilaḵ Ubbu we Karnero we sisiḵad si gaggawan da opate matattagu we ḵingwam ya da angipangpangu we niliḵwosda trono. Sa ḵatollongan ḵad ni Ubbu we Karnero isuna ḵatollongan ni napatoy. Pitu sakkudna ya pitu bos atanae dida da pitu we Ispiritu Santu we imbuunna'tta losane ili'd luta.

Revelation 7:15

Pun sana gapunae awadda si sinagung ni tronon Apudyus we anserserbi ḵan siya si templona'tte inaḻgaw ya nilabi. Sa awad atte trono, patilayune buḻunna dida ya taltalliḵunana dida.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”