Revelation 21:21 - Sa Ugud Apudyus

²¹ Da nasawaḻan ḵad aḵ duwae lewangan, sin-ossae perlas ḵopyan ni osae lewangan. Ḵad sa ḵaḻsan ni sadi ye siyudad, napan-ige buḻawan ya ampoḻḵase isun di samling.

Revelation 21:21 ပူးပေါင်းရင်းမြစ်များ

Revelation 17:4

Sa silup ḵad ni sadi ye bubai, dilaag ḵan purple we isunan silup di ari. Ḵad naam-ammaan os atta buḻawan, sa ampatoge batu ya sa perlas. Innoonnana tasae buḻawane napnu'tta ḵadadagan ya da ḵaissawe ḵingwana.

Revelation 18:16

Ḵananda, “Ḵaddaguḵa! Aman aḵay siyudade nandindinamag! Sin-aḵitan ay lawa nansilupanda'tta ampatoge silupe itaḵ, purple ya sa dilaag. Ḵad nan-am-ammada bos atta buḻawan, da ampatoge batu ya da perlas.

Revelation 21:15

Sa anghel we nan-ugud ḵan saḵon, aangdon aḵ buḻawane iisong ta isongona sanae siyudade midoga ḵabiti ya da lewangan.

Revelation 21:18

Napan-ige buḻawan sanae siyudad ya ampoḻḵase isun di samling ḵopyana ya sa ḵabitina jasper ḵopyana.

Revelation 22:2

Ḵad an-ayus atte gaggawan ni ḵaḻsa'tte sadi ye siyudad. Sa nandomang atte sanae tawwang, inggaw da ḵayu we angitod atte biyag. Binuḻane amungada. Ḵad sa tubun da sanae ḵayu, usaronda iyagas atta tagu'tta ḵinailin di ili ta adida masaḵit.

Revelation 4:6

Sa sinagung os ni trono, inninggaw isunan baybaye sa ḵatollongana isun di ampoḻḵase samling ḵan kristal we sumelaselap. Sa adani si opate igid ni trono, inninggaw da opate matattagu we ḵingwanae sa long-agda, pasige ata sinagungda ya siya bos atta odogda.