Revelation 21:17 - Sa Ugud Apudyus

¹⁷ Pun inisongna bos ḵabitin ni sadi ye siyudad. Sa isongna onompuḻu ya onome mitro. Sa mitro we inusar ni anghel we nan-isong, isuna bos mitro we usaron da tagu.

Revelation 21:17 ပူးပေါင်းရင်းမြစ်များ

Revelation 13:18

Ḵasapuḻan laing si anna. Nu awad tagu'ḵ nalaing, igammuwona mipaniyan ni sadi ye belang ni ḵaog-ogyate ayam te sa pion ni belang ugudon, ngadan ni tagu. Sa belangna ḵad, onomgasut ya onompuḻu ya onom.

Revelation 14:3

Da naḻpaan aḵ opatpuḻu ya opatlibu we tagu, summisiḵaddae nansagung atte trono ya da opate matattagu we ḵingwam ya da angipangpangu. Nanḵantada si baru we ḵantae abusda'ḵ nangigammu we nasubute naḻpu'd luta.

Revelation 21:16

Sa sanae siyudad napaḻpaḻtong, piona ḵanan an-isu ḵaanduna ḵan ḵaaḻwana. Inisong ḵad ni anghel, duwallibu ya opat gasute kilomitro ḵaanduna, ḵaaḻwana ya ḵataḵnangna.

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”

Revelation 7:4

Pun dingngoḻḵu belang da tagu we namaḻḵaan. Umoye naḻpaan aḵ opatpuḻu ya opatlibu we naḻpuda'tta ganaḵ da nasawaḻan aḵ duwae abeng Israel.