Revelation 2:9 - Sa Ugud Apudyus

⁹ Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

Revelation 2:9 ပူးပေါင်းရင်းမြစ်များ

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Luke 12:21

Pun ḵanan Jesus we nangiyanungus, “Ḵaḵnat maḵwa'tta tagu we amompon aḵ binaḵnang atta long-agda yaḵon adidapun ipatog da banage ibelang Apudyus aḵ ampatog.”

Luke 22:65

Ḵad nan-ibagada'tta adu we banage nangamsew ḵan siya ḵad nan-uguugudanda'ḵ lawweng.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Luke 6:20

Pun nansagung aḵ Jesus atta disipuluna woḵ ḵanana, “Pian da tagu we antaḻgod ḵan Apudyus atta ngaiman te midogada si ampangatana.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 2:17

Diḵayu we Judyu, ḵananyu we antaḻgod ḵayu si angunudanyu si lintog. Ḵad isḵaḻyu bose tagun Apudyus diḵayu.

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

Romans 8:35

Pun ngai ḵallamog angisina ḵan ditaḵu'tte ayat Kristu? Lamog ḵamman ni ampaḵaḻaman, salidudu, ampaḵaḻamon da tagu ditaḵu, sa inggi, ḵinaḵapus, ḵaog-ogyate maḵwa ya sa ḵatoy?

Romans 9:6

Sa imbagaḵ mipanggob atta ganaḵ Israel we adipun namati ḵan Jesu Kristu, adiḵpun ḵanane ippun nambanagan da inkarin Apudyus atta taguna. Te daḵampun aḵ tuttuwae tagun Apudyus da losane ganaḵ Israel.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

2 Corinthians 8:2

Te da susunud taḵu ḵan Kristu sidi'tte timpu we amod de ampaḵaḻamanda, allaaydae bummadang atta susunud taḵu we anḵasapuḻ te amod de layadda taḵon ay nu ḵapuḵapusda.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

1 Thessalonians 3:4

Te sa inninggawanni ḵan diḵayu, imbagabagani si daanna maḵwaane ḵasapuḻane ampaḵaḻam taḵu. Ḵad tuttuwae naḵwa ya iniiggammuyu.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 2:13

Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.

Revelation 2:24

“ ‘Yaḵon diḵayu we udum ad Thyatira, adiḵayupun nampaidaḻan si annae lawwenge tuttuduna ya naippun inadaḻyu si ḵanandae naadaḻome tuttudun Satan. Pun adiḵpun ogon dog-an biline unudonyu.

Revelation 3:9

“ ‘Dongngonyu anna. Awad da Judyu sinate tagun Satan. Ḵanandae dida tagun Apudyus yaḵon daḵampun te tuliyanda. Sa umali ye aḻgaw ipatutḵu we umoyda analluḵu si sinagungyu ḵad asida igammuwone ay-ayatoḵ diḵayu.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.