Revelation 2:23 - Sa Ugud Apudyus

²³ Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.

Revelation 2:23 ပူးပေါင်းရင်းမြစ်များ

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

John 4:16

Ḵanan Jesus ḵan siya, “Inḵa ayagan aḵ asawam ta umali ḵayu.”

Acts 1:24

Pun ḵanandae nalluwaḻu, “Apu, gapu ta siḵa angigammu'tta ḵasomsomḵan da losane tagu, ipaigammum ud ḵan diḵani nu ngai pinilim atta annae duwa

Romans 14:12

Pun losan taḵu sumongbat ḵan Apudyus atta losane ḵingwa taḵu.

Romans 8:27

Ḵad aḵ Apudyus we angigammu'tta somsomoḵ taḵu, igammuna bos ḵasomsomḵan ni Ispirituna te sa iluwaḻuna para ḵan ditaḵu we taguna, sigun si pinion Apudyus.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

Galatians 6:5

Te sa sin-ossaossa, ḵasapuḻane ḵoona biyangna.

Hebrews 4:13

Naippun mitaḻu ḵan Apudyus te losane ḵingwana ampataḵda si antotollongna. Ḵad songbatan taḵu ḵan siya da losane ḵingwa taḵu.

1 Peter 1:17

Sosomḵonyu anna, aḵ Apudyus we bigbigonyu we Ama, ippun laḵsigona nu anḵuwis. Ḵad ḵuwisona da losane tagu sigun si ḵingwan ni sin-ossaossa. Pun ḵasapuḻane isipogyu ya dayawonyu si sanae mabiyaganyu we isun di ḵaili si annae lubung.

Revelation 2:11

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog si lawweng, adidapun midoga'tte dusa'ḵ inggana'tte ḵumagwae matoyan da tagu.’ ”

Revelation 2:7

“ ‘Diḵayu we naingaan, andongoḻ ḵayu si ibagan ni Ispiritu Santu atta gimung da namati. Da tagu we angngog atta losane kalasin di lawweng, ittoḵ ḵan dida ḵaḻabbongane angan atte bungan ni ḵayu we angitod si biyage awad si igaw Apudyus ad langit.’ ”

Revelation 20:12

Innilaḵ os da natoye nangatu ya nababae summisiḵadda'tte sinagung ni trono. Inninggaw da naḻpu'd Hades we igaw da nanḵaḵatoy ya da nanḵaḵatoy atte baybay. Pun nabuḵyag iblu we nigiliyan da ngadan da awad da biyagda'ḵ inggana. Nabuḵyag os da iblu we nigiliyan da losane ḵingwan da tagu woḵ naḵuwis da sin-ossaossa sigun atta ḵingwadae nigili'tta annae iblu.

Revelation 22:12

Ḵanan Jesus, “Dongngonyu anna. Madam-an umaliyaḵ. Ḵad nu umaliyaḵ, idatongḵu gungunae ittoḵ si sin-ossaossae sigun atta ḵingwana.

Revelation 6:8

Intollongḵu ḵad, innilaḵ buute ḵabayu. Sa nangabayu ḵad nangngadan aḵ Ḵatoy ya sa ummun-unud ḵan siya nangngadan aḵ Hades we igaw da natoy. Naittanda'ḵ ḵaḻabbongane anadail atte inḵapat da tagu sina'd luta. Gongatonda da udum atte ispada, da udum atte inggi, da udum atte dayang-as ya da udume gongaton da atape ayam sina'd luta.