Revelation 2:13 - Sa Ugud Apudyus

¹³ Igammuḵe sa iliyu, siya ampangatan Satan yaḵon taḵon ay nu ḵatti, adiyupun nan-awidan pammatiyu ḵan saḵon. Igammuḵ os naḵwa ḵan Antipas we mataḻgodane nangitaḵdoḻ si mipanggob ḵan saḵon. Taḵon ay nu gingngatda sinat atte ili ye ampangatan Satan, sissiyae pinagapagatupanyu we amati ḵan saḵon.

Revelation 2:13 ပူးပေါင်းရင်းမြစ်များ

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Luke 21:17

Ḵad sasangngaan os diḵayu'tta losane tagu gapu ḵan saḵon.

Acts 22:20

Sa nangongatanda ḵan Stephen we nanaḵdoḻ si mipanggob ḵan siḵa, tinataḵdogaḵe mismu we nanaḵdoḻ ya nanguwaḻda'tta silup da nangongat ḵan siya.’

Acts 9:14

Ḵad annae ummali sinae naittan aḵ ḵaḻabbongane naḻpu'tta papangat da papadi ta andoḵma'tta losane anḵodaw aḵ ḵadagu ḵan Apu.”

1 Thessalonians 5:21

Yaḵon ḵasapuḻane panoḵnoḵanyu da losane mituttudu ya siya pagay unudonyu da ambaḻu.

1 Timothy 5:8

Te nu awad namati'ḵ adinapun paat pione angayyuwan atta susunudna, amod ay da ḵabaḻyanna, isun di nan-awidana pammatina ya amo sillumaweng nu sa daampun aḵ namati.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

James 2:7

Daḵampun ḵamman aḵ dida da an-ugud atta misullagi si madaydayawe ngadan Jesus we nidog-an taḵu?

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

Revelation 13:2

Sa ḵatollongana ḵad isun di leopard yaḵon sa suḵina isuna suḵin ni de bear. Sa sungadna ḵad, isunan sungad di lion. Innatod ni dragon atte ḵaog-ogyate ayam ḵabooḻana ḵan tronona ya sa daḵoḻe ḵaḻabbonganae ampangat.

Revelation 14:12

Siya gapunae ḵasapuḻane iyattom da tagun Apudyus we anuttuwa'tta bilinna ya angipapati si pammatida ḵan Jesus.

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 17:6

Ḵad innilaḵ sadi ye bubai ye nabartek atta daḻan da tagun Apudyus we nagongat gapu'tte nanaḵdoḻanda ḵan Jesus. Sa nan-iilaḵ ḵan siya, gattoḵe nataagaḵ.

Revelation 2:2

Igammuḵ da losane ḵooḵoonyu, sa ansigabe ḵewaaḻyu ya ḵinaanusyu we angiyattom atta ampaḵaḻaman. Igammuḵe adiyupun maanusan da lawwenge tagu. Ḵad pinadasyu da ngannonda da long-agda apostol taḵon ay nu daḵandapun woḵ inigammuyu we tuliyanda.

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.