Revelation 19:11 - Sa Ugud Apudyus

¹¹ Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Revelation 19:11 ပူးပေါင်းရင်းမြစ်များ

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 11:19

Pun nabuḵatan templon Apudyus ad langit woḵ naila sidi mapatgane ḵasun ni tuḻag. Inninggaw da nanguliyatyate ḵilat ya sa andangsoḻe ḵiduḻ ya da udume aguduud ya sa lunig ya sa ummamdane daḻaḻu.

Revelation 19:19

Naabus ḵad, innilaḵ ḵaog-ogyate ayam ya da ari'd luta ya da suḻdadudae nandatdatong ta umoyda gubaton nangabayu'tte itaḵe ḵabayu ya da suḻdaduna.

Revelation 19:21

Naamin nanḵaḵatoy da suḻdaduda si isun di antadotadome ispadae tumoḵwaḻ atte sungad ni nangabayu si itaḵe ḵabayu. Ḵad nandatdatong da sissiwit ya isudan anggayagayae angan atta long-ag da nanḵaḵatoy inggana'ḵ nassunassugda.

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”

Revelation 6:2

Pune sadi innilaḵ itaḵe ḵabayu we sa nangabayu, aangdon aḵ panae sa usaronae maḵagubat. Naittan aḵ korona woḵ daguse nallibbat ta pagatupana oḻgon da ḵabusuḻna.