Revelation 18:3 - Sa Ugud Apudyus

³ Te binuuḵna da tagu'tta losane ili'tte ampigsae bayasna, piona ḵanan, inawisna didae nangunud atta ḵaissawe ugalinae angidaḻan atte madusaanda. Ḵad naḵadagdagas da ari'd luta ḵan siya ya da allaḵlaḵu'd luta, nambalindae baḵnang atte ummamdane ḵamommodnae bumaḵnang.”

Revelation 18:3 ပူးပေါင်းရင်းမြစ်များ

Luke 7:25

Ngai pagay lasunyu we ummoy? Ummoyyu ḵamman innila tagu we nansilup atte ampatoge silup? Naid! Te da angisilup atta ambaḻubaḻu babaḵnangda ya da boḻoy da ari inggawanda.

1 Timothy 5:11

Da baḻu ḵad ose sissiyae ḵaḵosdoḻanda, ilanyu ta adiyu paat idoga dida si listaanyu te nu adida maḵaiyattom atta long-agda ya pionda bos ḵasine angasawa, an-awidanda'ḵ Kristu.

Revelation 14:8

Pun nipasani gumminga osae anghel woḵ ḵanana, “Nadadail! Nadadail nandindinamage siyudad ad Babylon. Da ummili sidi, binartekda da tagu'tta losane ili'tte ampigsae bayasda, piona ugudone inawisda didae umunud atta ḵaissawe ugalida.”

Revelation 17:2

Niyadaḻug da ari'd luta ḵan siya. Ḵad isudan nabartek da tagu'd luta'tte bayasnae siya ḵaissawe ugalinae inunudda.”

Revelation 18:19

Ḵad inggabgab-uḻda gabu'tta uḻuda ta ipailadae umibiibilda ya andomdomda ya asida ḵanan, “Ḵaddaguḵa! Aman aḵay nandindinamage daḵoḻe siyudad! Sa ḵinabaḵnangna, siya bummaḵnangan da ngaimane anna bapurda. Yaḵon nadadail si abus ay lawae sin-orasan!”

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 18:7

Sa ḵinaadun ni ḵinabaḵnangna ḵan ḵinasoḵaḻna, ḵaḵnat os isun ni lopong ni ampaḵaḻamana ya sa domdomna. Te ḵanana'tte somsomoḵna, ‘Saḵon de queen we ampangat. Andomdomaḵ ḵammane isun di baḻu?’

Revelation 18:9

Ḵad da ari'd lutae naḵadagdagas ḵan siya ya nidogae naḵagangganas si ḵinabaḵnangna, amod de ibilda ya domdomda ḵan siya nu otaponda asuḵe maḻpu ḵan siyae masgob.