Revelation 18:23 - Sa Ugud Apudyus

²³ Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 18:23 ပူးပေါင်းရင်းမြစ်များ

Acts 8:11

Nandodongngoḻda ḵan siya te nabayage ḵingwana da nakaskasdaaw mipagapu si ambubuyunna.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 17:2

Niyadaḻug da ari'd luta ḵan siya. Ḵad isudan nabartek da tagu'd luta'tte bayasnae siya ḵaissawe ugalinae inunudda.”

Revelation 17:5

Sa ngadanna ḵade nigili'tte ḵidayna, adipun maigammu piona ḵanan. Ḵanana, “Babylon we nandindinamage inan da puta ya maḻpuwan da losane ḵaissawe naḵwa'd luta.”

Revelation 18:22

Naippun os ogon mangngoḻ atta ḵanḵanta baḵon nu gingan di arpa, baladong ya da tangguyub. Naippun os ogon maodasan aḵ nalainge angwa'tta ngaiman ya naippun os ogon ambayu.

Revelation 18:3

Te binuuḵna da tagu'tta losane ili'tte ampigsae bayasna, piona ḵanan, inawisna didae nangunud atta ḵaissawe ugalinae angidaḻan atte madusaanda. Ḵad naḵadagdagas da ari'd luta ḵan siya ya da allaḵlaḵu'd luta, nambalindae baḵnang atte ummamdane ḵamommodnae bumaḵnang.”

Revelation 18:9

Ḵad da ari'd lutae naḵadagdagas ḵan siya ya nidogae naḵagangganas si ḵinabaḵnangna, amod de ibilda ya domdomda ḵan siya nu otaponda asuḵe maḻpu ḵan siyae masgob.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”

Revelation 22:5

Ḵad naippun ogon labi, adidapun ogon masapuḻ paddan ni silaw baḵon nu sa init te mismu we aḵ Apudyus we Apu allangḻang ḵan dida. Ḵad maḵapangatda ḵan siya'ḵ inggainggana.

Revelation 6:15

Ummogyat losan da tagu'd luta. Da ari ya da udume papangat, da pangat da suḻdadu, da babaḵnang ya da udume anna ḵabooḻanda ya da udume musassu baḵon nu daḵampun, losanda nantaḻu'tta liyang ya sa igaw da batbatu si bebbeleg.

Revelation 9:21

Adidapun os imbabawi da udume ḵingwada ya adidapun iyyagaye nangwa, isun ni nangongatanda'tta tagu, sa nangaḻay-abanda'tta aḻan ta ampaḵaḻamonda da tagu ya sa miyadaḻuganda'tta daḵampun aḵ asawada ya sa nan-aḵawanda.