Revelation 18:11 - Sa Ugud Apudyus

¹¹ Ḵad da allaḵlaḵu'd luta umibilda ḵan andomdomda gapu ḵan siya te naippun ogon ngumina'tta laḵuda.

Revelation 18:11 ပူးပေါင်းရင်းမြစ်များ

Matthew 22:5

Yaḵon adipun os dumngoḻ da sadi ye naayagan. Awad ay osa ya ipapuutna ḵoona. Sa osa ummoy atte payawna. Sa osa bos ummoy nallaḵu.

John 2:16

Ḵanana bos atta allaḵu'ḵ kalapati, “Ḵaanonyu da sanat si anna! Adiyu ambalinon aḵ lalaḵḵuwan boḻoy Amaḵ!”

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.

Revelation 18:15

Ḵaḵna ibagan da allaḵlaḵu we bummaḵnang si sadi ye siyudade nallaḵlaḵuwanda. Gapu ta maḵimutdae midoga si dusana, sumisiḵadda'tte adayu we umibiibil ḵan andomdom.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 18:3

Te binuuḵna da tagu'tta losane ili'tte ampigsae bayasna, piona ḵanan, inawisna didae nangunud atta ḵaissawe ugalinae angidaḻan atte madusaanda. Ḵad naḵadagdagas da ari'd luta ḵan siya ya da allaḵlaḵu'd luta, nambalindae baḵnang atte ummamdane ḵamommodnae bumaḵnang.”

Revelation 18:9

Ḵad da ari'd lutae naḵadagdagas ḵan siya ya nidogae naḵagangganas si ḵinabaḵnangna, amod de ibilda ya domdomda ḵan siya nu otaponda asuḵe maḻpu ḵan siyae masgob.