Revelation 17:2 - Sa Ugud Apudyus

² Niyadaḻug da ari'd luta ḵan siya. Ḵad isudan nabartek da tagu'd luta'tte bayasnae siya ḵaissawe ugalinae inunudda.”

Revelation 17:2 ပူးပေါင်းရင်းမြစ်များ

John 2:10

woḵ ḵanana ḵan siya, “Sa ugali taḵu, pasige umuna mitaug ampiyae bayas ḵad nu mabebbelengan da tagu, asiyot mitaug bogsaḻ. Yaḵon siḵa ḵad, indudulinnu ampiyae bayas woḵ asim intoḵwaḻ si anungusna.”

Revelation 14:8

Pun nipasani gumminga osae anghel woḵ ḵanana, “Nadadail! Nadadail nandindinamage siyudad ad Babylon. Da ummili sidi, binartekda da tagu'tta losane ili'tte ampigsae bayasda, piona ugudone inawisda didae umunud atta ḵaissawe ugalida.”

Revelation 17:13

Gapu ta os-ossaan panggobda, ipuḻangda da ḵabooḻanda ḵan ḵaḻabbonganda si ḵaog-ogyate ayam.

Revelation 17:17

“Sa sanate bubai ye innilam, siya nandindinamage siyudade nangipangat atta losane ari'd luta. Naḵwa da sana ḵan siya te aḵ Apudyus nangidaḻan ḵan dida ta an-ossaan somsomoḵda ta mituttuwa panggobna. Siya gapun ni nangipuḻanganda'tte ḵaog-ogyate ayam atta ḵaḻabbongandae ampangat inggana'ḵ mituttuwa da losane imbagan Apudyus.”

Revelation 17:5

Sa ngadanna ḵade nigili'tte ḵidayna, adipun maigammu piona ḵanan. Ḵanana, “Babylon we nandindinamage inan da puta ya maḻpuwan da losane ḵaissawe naḵwa'd luta.”

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 18:3

Te binuuḵna da tagu'tta losane ili'tte ampigsae bayasna, piona ḵanan, inawisna didae nangunud atta ḵaissawe ugalinae angidaḻan atte madusaanda. Ḵad naḵadagdagas da ari'd luta ḵan siya ya da allaḵlaḵu'd luta, nambalindae baḵnang atte ummamdane ḵamommodnae bumaḵnang.”

Revelation 18:9

Ḵad da ari'd lutae naḵadagdagas ḵan siya ya nidogae naḵagangganas si ḵinabaḵnangna, amod de ibilda ya domdomda ḵan siya nu otaponda asuḵe maḻpu ḵan siyae masgob.

Revelation 2:22

Pun ittoḵ ḵan siya ummamdane saḵit ta uumbog si ḵamanae adipun maḵabangon. Ḵad ittoḵ os umamdane ampaḵaḻaman atta naḵadagdagas ḵan siya nu adida ibabawi da basuḻda ya adida agaye angwa si nidog-anda'tta ḵaissawe ḵingwana.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 9:21

Adidapun os imbabawi da udume ḵingwada ya adidapun iyyagaye nangwa, isun ni nangongatanda'tta tagu, sa nangaḻay-abanda'tta aḻan ta ampaḵaḻamonda da tagu ya sa miyadaḻuganda'tta daḵampun aḵ asawada ya sa nan-aḵawanda.