Revelation 17:1 - Sa Ugud Apudyus

¹ Naabus ḵad, ummadani ḵan saḵon osa'tta pitu we anghel we aangdon atta pitu we maḻuḵung woḵ ḵanana ḵan saḵon, “Umaliḵa ta ipailaḵ dusan ni nandindinamage putae tummuḵdu si igaw ni adu we tawwang.

Revelation 17:1 ပူးပေါင်းရင်းမြစ်များ

Luke 24:32

Ḵananda, “Siya lummayadanta si inggawan taḵu'tte daḻan si nangipaḵaawatana'tta nigili ye Ugud Apudyus.”

Luke 9:30

Baag-en naila da duwae tagu we summiling os, da Moses ḵan Profeta Elijah we maḵaug-uggudda ḵan Jesus. Pun inug-uggudda madam-ane matoyan Jesus ad Jerusalem ta mituttuwa da panggob Apudyus.

Revelation 1:1

Saḵon aḵ John we nangigili si annae iblu atta banage impaigammun Jesu Kristu we ḵasapuḻane madam-an maḵwa. Aḵ Apudyus nangipaigammu ḵan siya ta ipaigammuna bos atta tagu we anserbi ḵan siya. Pun imbuun Kristu anghelna aḵ angipaigammu ḵan saḵone sammiluna.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 16:19

Nanḵaḵlu nandindinamage siyudad ḵad losane siyudad atta ili'd luta naaminda nadadail. Pun tuttuwae adimpun Apudyus naliwatane nanusa'tta ummili si daḵoḻe siyudad ad Babylon yaḵon impainumna ḵan dida innamin bayase siya mipaniyan ni ḵaog-ogyate dusae naḻpu si sangana.

Revelation 18:1

Naabus ḵad, innilaḵ osae anghel we naḻpu'd langit. Nangatu ḵaḻabbongana ya nalangḻangan luta'tte ampigsae ḵinapaddana.

Revelation 19:2

Te tuttuwa ḵan naun-unan anḵuḵuwisna. Inḵoddongnae madusa nandindinamage puta te siya nangawis atta tagu'd lutae midoga si ḵaissawe ugalina. Ḵad imbaḻos Apudyus ḵan siya da gingngatnae nanserbi ḵan siya.”

Revelation 19:9

Pun ḵanan ni anghel ḵan saḵon, “Igilim anna: Pian da tagu we naayagan aḵ midoga maḵaḵan atte kasar ni Ubbu we Karnero.” Pun pinagatupana woḵ ḵanana, “Sana tuttuwae Ugud Apudyus.”

Revelation 21:15

Sa anghel we nan-ugud ḵan saḵon, aangdon aḵ buḻawane iisong ta isongona sanae siyudade midoga ḵabiti ya da lewangan.

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”