Revelation 16:14 - Sa Ugud Apudyus

¹⁴ Da sanae ispiritu, dimunyuda ḵan lamogda ḵoon da nakaskasdaaw. Ḵad ummoyda ta daguponda da ari'tta losane ili'tte lubung ta umoyda gubaton aḵ Apudyus we maḵabooḻ atta losan si ampatoge aḻgawna.

Revelation 16:14 ပူးပေါင်းရင်းမြစ်များ

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 2:1

Sa sadi ye timpu we niyanaḵan John, nangwa'ḵ lintog aḵ Emperor Augustus we umoy da losane tagu'tta ili ye ipangatan da iRome we ḵasapuḻane ampalistada.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

2 Thessalonians 2:9

Yaḵon sa daannapun madadailan, inggaw ḵan siya ḵabooḻan Satan ya impailana da tinutuli ye nakaskasdaaw ya da sinyal,

1 Timothy 4:1

Nalawag imbagan ni Ispiritu Santu we sa umali ye aḻgaw, an-awidan da udume tagu ustu we pammatida. Ḵad siya patiyonda umallelawe ispiritu ya sa tuttudun da aḻan.

James 3:15

Sa annae ḵinalaing, daḵampun aḵ naḻpu'd langit. Yaḵon nainlubungan, dinidimunyu ya daḵampun aḵ naispirituwan.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

Revelation 13:3

Sa osae uḻun ni sanae ḵaog-ogyate ayam, inggaw daḵoḻe pilat ni sugatnae siya tigangayna iḵatoy yaḵon napilatan pos pagay. Pun siya nataagan da losane tagu'd luta woḵ siya inunudda.

Revelation 16:7

Dingngoḻḵu bos gingae naḻpu si altar we ḵanana, “On Apu we Apudyus we maḵabooḻ atta losan, tuttuwa sanat te naun-unan ya ustuustu andudusam atta tagu.”

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 20:8

Ḵad umoyna allelawon da ngannonda Gog ya Magog we da tagu'tta ḵinailin di ili'tta opate dugyun ni luta. Dagupona dida ta maḵagubatda. Sa belangda ḵad isuda gallis atte taḻantag ni baybay.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 6:17

Te dummatong ḵaog-ogyate aḻgaw ni umamdane sangada'tta tagu ya naippun paat angilasat!”