Revelation 16:11 - Sa Ugud Apudyus

¹¹ woḵ nan-uguugudda'ḵ misullagi ḵan Apudyus ad langit gapu'tta ampaḵaḻamanda ya da busalida. Ḵad sissiyae adidapun nambabawi'tta basuḻda ya adidapun iyyagaye nangwa.

Revelation 16:11 ပူးပေါင်းရင်းမြစ်များ

2 Timothy 3:13

Yaḵon da lawweng ya da angallelaw atta buḻunda, amo iggaiggadae angallelaw atta buḻunda ya isuna bose maallelawda.

Revelation 11:13

Sa sadi ye oras, inggaw os ummamdane lunige anadail atte ḵasimpuḻun ni sadi ye siyudad woḵ sadi nanḵaḵatoyan da pitullibu we tagu. Pun ummogyat da nabun-an woḵ andayawda'tte ḵinangatun Apudyus we awad ad langit.

Revelation 16:2

Pun ummoy ni ummunae anghel intuyaḵ inggaw si maḻuḵungna'tte luta woḵ tummubu da ampaḵimut ḵan danaḵḵoḻe busali'tta tagu. Sana da tagu we namaḻḵaan atte maḻḵan ni ḵaog-ogyate ayam woḵ nandaydayawda'tte sinan-ayame ḵais-isuna.

Revelation 16:21

Ḵad naottag da danaḵḵoḻe daḻaḻu we naḻpu'd langite umoye limampuḻu we kilo dagson ni osa woḵ nitup-ugda'tta tagu. Yaḵon amo nan-uguugudda'ḵ misullagi ḵan Apudyus gapu'tta sanae daḻaḻu ya da ḵaog-ogyate ampaḵaḻaman.

Revelation 16:9

Yaḵon taḵon ay nu naatunganda si ḵaog-ogyate atungna, amo nan-ugudanda'ḵ lawweng ngadanna. Adidapun imbabawi da basuḻda ya adidapun iyyagaye nangwa ya adidapun binigbig ḵinangatun Apudyus we anna ḵabooḻana'tta sanae ampaḵimute ampaḵaḻaman.

Revelation 2:21

Innatodḵu ḵan siya wayanae ambabawi'tta basuḻna ya agaynae angwa yaḵon adinapun agaye miyadaḻug atte daḵampun aḵ asawana.