Revelation 16:10 - Sa Ugud Apudyus

¹⁰ Intuyaḵ ni ḵumalimae anghel inggaw si maḻuḵungna si tronon ni ḵaog-ogyate ayam woḵ gummiḵbot sadi ye impangatanae ili. Pun ḵinoḵotban da tagu da delada gapu'tte ummamdane ampaḵaḻamanda,

Revelation 16:10 ပူးပေါင်းရင်းမြစ်များ

Matthew 13:42

Ḵad itop-aḻda dida si gumilgillayabe apuye adipun masobsoban, ḵad umibiibilda ḵan ngumalitod da babada gapu si ampaḵaḻamanda.

Matthew 13:50

Ḵad iballuda dida si apuye adipun masobsoban ya amod de ibilda ḵan ngumalitod da babada te ampaḵaḻamda.”

Matthew 22:13

Pun ḵanan ni Ari atta sammiluna, ‘Baḻudonyu da imana ya da suḵina ya idawatyu'k lasin si anggiḵbot ta sidi ye umibiibil ḵan ngumalitod da babana te ampaḵapaḵaḻam.’ ”

Matthew 24:51

dusaonae ustu ya idogana si igaw da ḵapappailae igaw da umibiibil ya ngumalitod babada.”

Matthew 8:12

Yaḵon da Judyu ḵade midoga oḵyan si ampangatan Apudyus, miballuda'k lasin si giḵbot ḵad umibiibilda ya ngumalitod da babada sidi si sangada.”

Luke 13:28

Ilanyu ḵad da Abraham, Isaac ya aḵ Jacob ya da losane profeta we nidoga si ampangatana, sin-iibil ḵayu ya ngumalitod da babayu'tte sangayu te diḵayu ḵad, miballu ḵayu.

1 Peter 2:17

Patganyu oḵyan da losane tagu, ay-ayatonyu da susunudyu ḵan Kristu ya isipogyu'ḵ Apudyus ya patganyu bos ari.

Revelation 11:10

Da adipun namati ye inggaw ad luta, anggayagayada ya an-asiatodda gapu si layadda'tte natoyan da annae duwae profetan Apudyus te dida gapun ni ampaḵaḻamanda.

Revelation 11:2

Yaḵon adim isongon paway atte lasin ni templo te naitod atta Gentil ta oḻgonda ḵan ipangatanda siyudad Apudyus si opatpuḻu ya duwae buḻan.

Revelation 11:8

ya anḵabadong da ladagda'tte ḵaḻsa'tte daḵodaḵoḻe siyudade nipattoḻan ni Apuda'tte kros we sadi mipani'd Sodom ya ad Egypt.

Revelation 17:17

“Sa sanate bubai ye innilam, siya nandindinamage siyudade nangipangat atta losane ari'd luta. Naḵwa da sana ḵan siya te aḵ Apudyus nangidaḻan ḵan dida ta an-ossaan somsomoḵda ta mituttuwa panggobna. Siya gapun ni nangipuḻanganda'tte ḵaog-ogyate ayam atta ḵaḻabbongandae ampangat inggana'ḵ mituttuwa da losane imbagan Apudyus.”

Revelation 17:9

Pinagatupan ni anghel we nangibaga woḵ ḵanana, “Ḵasapuḻane sa tagu we anna laingna abus aḵ ḵallabbonge maḵaawat si anna. Sa pion ḵad ni pitu we uḻu ḵanan, pitu we belege sa tummuḵduwan ni sanae bubai. Sa osae piona ḵanan, da pitu we ari.

Revelation 18:2

Ḵananae nangiyipḵaw, “Nadadail! Nadadail nandindinamage siyudad ad Babylon. Nambaline inggawan da dimunyu ya losane kalasin da aḻan. Ḵad losane kalasin di ayam ḵan sissiwite mibelange ḵaissaw, sidi inggawanda ḵan sumuḵbutanda.

Revelation 18:21

Pun inggaw anḵosdoḵosdoḻe anghel we nangoppat si daḵodaḵoḻane batu woḵ imbintugna si baybay, ḵanana, “Ḵaḵna maḵwa'tte nandindinamage siyudad ad Babylon te madadaile ustuustu ya adipun ogon mipaḻ-og.

Revelation 18:23

Ḵad naippun os ogon da matonggane silaw ya naippun ogon ankasar. Sanat da dusan ni Babylon te da allaḵlaḵu si sadi ye siyudad, ansosoḵaḻ da somsomoḵda ya ngannonda dida ḵabaḵnangan ad luta. Ḵad da ummili sidi, inallelawda da tagu'd luta'tta tulidae isun da buyun.

Revelation 8:12

Nanangguyub ḵad ḵumapate anghel, nadadail inḵaḵlun ni init, sa soḻag ya da bituwon woḵ gummiḵbot inḵaḵlun ni silawda. Pun gummiḵbot inḵaḵlun ni aḻgaw ya sa labi.

Revelation 9:2

Binuḵtana ḵad sadi ye abut, natanoḵwaḻ asuḵe isunan asuḵ di amode apuy woḵ gummiḵbot init ya sa langit gapu'tte sadi ye asuḵe naḻpu'tte abut.