Revelation 15:7 - Sa Ugud Apudyus

⁷ Pun sa osa'tta opate matattagu we ḵingwam, iwwaḻasna'tta pitu we anghel da pitu we maḻuḵunge buḻawane napnuda'tte sangan Apudyus we matattagu'ḵ inggana.

Revelation 15:7 ပူးပေါင်းရင်းမြစ်များ

1 Thessalonians 1:9

On didae mismu nangug-uggud atte inonyu we nammangili ḵan diḵani ya sa inonyu bose nangiyagaye amati'tta sinan-apudyus woḵ ansagung ḵayu anserbi'tte tuttuwa ḵan matattagu we Apudyus.

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Revelation 10:6

woḵ nansapata'tte ngadan Apudyus we matattagu'ḵ ingganae nangwa'tta langit, luta, baybay ya da losane awad ḵan dida. Ḵanana, “Naippun oḵyan ogon mitaḻyanan da maḵwa.

Revelation 14:10

uminumda bos si ampigsae bayas Apudyus we adipun naḵamsan. Sa piona ḵanan mapadasda ummamdane andudusan Apudyus we ippun ḵadaguna te ummamdan sangana. Ḵad ampaḵaḻamda'tte gumilgillayabe apuy ya sa sulfur atte antotollong da anghelna ya sa Ubbu we Karnero.

Revelation 15:1

Naabus ḵad, innilaḵ sabali ye ampatog ya nakaskasdaawe sinyal ad langit. Inggaw da pitu we anghel we nitaḻgod ḵan dida pitu we ampaḵaḻaman. Sana anungus da ampaḵaḻaman te sana migangputan da dusae impaidatong Apudyus ad luta gapu'tte sangana.

Revelation 16:2

Pun ummoy ni ummunae anghel intuyaḵ inggaw si maḻuḵungna'tte luta woḵ tummubu da ampaḵimut ḵan danaḵḵoḻe busali'tta tagu. Sana da tagu we namaḻḵaan atte maḻḵan ni ḵaog-ogyate ayam woḵ nandaydayawda'tte sinan-ayame ḵais-isuna.

Revelation 17:1

Naabus ḵad, ummadani ḵan saḵon osa'tta pitu we anghel we aangdon atta pitu we maḻuḵung woḵ ḵanana ḵan saḵon, “Umaliḵa ta ipailaḵ dusan ni nandindinamage putae tummuḵdu si igaw ni adu we tawwang.

Revelation 21:9

Pun ummali osa'tta sadi ye pitu we anghel we awad ḵan siya da pitu we maḻuḵunge napnu'tta pitu we anungus da ampaḵapaḵaḻaman. Ḵanana ḵan saḵon, “Umaliḵa ta ipailaḵ ḵan siḵa bubai ye asaw-on ni Ubbu we Karnero.”

Revelation 4:10

Ḵad umoy da duwampuḻu ya opate angipangpangu analluḵu si sinagung ni tutuḵdu si trono we sa matattagu'ḵ inggana ya andaydayawda bos ḵan siya. Ḵad ibadongda bos da koronada'tte sinagungna ya ḵanandae angiḵanḵanta,

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.