Revelation 14:7 - Sa Ugud Apudyus

⁷ Ḵananae nangidangsoḻe gumminga, “Isipogyu'ḵ Apudyus ya bigbigonyu ḵinangatuna te dummatong timpu we anguwisana'tta tagu. Idaydayawyu nangwa'd langit ya ad luta, da baybay, da bubun ya da tawwang.”

Revelation 14:7 ပူးပေါင်းရင်းမြစ်များ

Matthew 25:13

Pun ḵanan Jesus we nangiyanungus, “Ḵasapuḻane pasig ḵayu masasaggana te ippun igammuyu'tte aḻgaw ḵan orase umaliyaḵ.”

Luke 17:18

Ngaipa naippun nampauli'ḵ anggappiya ḵan Apudyus, abus annae Gentil?”

Acts 14:15

“Susunud, ngaipayu ḵoon ḵaḵnat? Tagu ḵani bose isuyu. Ummali ḵani sina ta iwaḻagawagni ḵan diḵayu Ambaḻu we Damag ta an-awidanyu da annae ippun anudae sinan-apudyus ta amati ḵayu ḵan Apudyus we matattagu we nangwa si langit, luta, baybay ya da losane awad.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Revelation 11:13

Sa sadi ye oras, inggaw os ummamdane lunige anadail atte ḵasimpuḻun ni sadi ye siyudad woḵ sadi nanḵaḵatoyan da pitullibu we tagu. Pun ummogyat da nabun-an woḵ andayawda'tte ḵinangatun Apudyus we awad ad langit.

Revelation 11:18

Da sumusullagi ḵan siḵa, amod de ansasangada yaḵon sinsadi dummatong timpu we sumang-am ya dusaom dida, te sana timpu we anguwisam atta losane nanḵaḵatoy. Ḵad sinsadi bos timpu we gungunaam da sammilume da profetam ya da losane tagume angisipog ḵan siḵa, da nababa ya da nangangatu. Ḵad dadailom os da nanadail atta tagu'd luta.”

Revelation 15:4

Naippun adi angisipog ḵan siḵa, Apu. Ḵad naippun adi angidayaw si ḵinangatun ni ngadannu. Te siḵa abus aḵ gattoḵe nasantuwan. Ḵad da tagu we maḻpu'tta losane ili, madagupda'tte sinagungnu ta idaydayawda siḵa te innilada da losane naun-unane ḵingwam.”

Revelation 16:9

Yaḵon taḵon ay nu naatunganda si ḵaog-ogyate atungna, amo nan-ugudanda'ḵ lawweng ngadanna. Adidapun imbabawi da basuḻda ya adidapun iyyagaye nangwa ya adidapun binigbig ḵinangatun Apudyus we anna ḵabooḻana'tta sanae ampaḵimute ampaḵaḻaman.

Revelation 18:10

Gapu si ogyatdae midoga ḵan siya si dusana, tumaḵdogda'tte adayu ya ḵananda, “Ḵaddaguḵa! Aman aḵay siyudad ad Babylon we nandindinamag ḵinabaḵnangna ḵan ḵabooḻana! Te sa sin-orasan, nadanatong dusana woḵ nadadail!”

Revelation 18:17

Yaḵon aman aḵay da losane ḵinabaḵnangnae naamin nadadail atte abuse sin-orasan!” Losane kapitan da bapur ḵan losan atta nanḵewaaḻ ya nallugan sidi ya da udume sa baybay angaḻ-anda'ḵ iḵataguda, tumataḵdogda bos atte adayu,

Revelation 18:19

Ḵad inggabgab-uḻda gabu'tta uḻuda ta ipailadae umibiibilda ya andomdomda ya asida ḵanan, “Ḵaddaguḵa! Aman aḵay nandindinamage daḵoḻe siyudad! Sa ḵinabaḵnangna, siya bummaḵnangan da ngaimane anna bapurda. Yaḵon nadadail si abus ay lawae sin-orasan!”

Revelation 19:5

Pune sadi dingngoḻḵu gingae naḻpu si trono we ḵanana, “Idayawyu Apudyus taḵu, losan ḵayu we anserbi ya angisipog ḵan siya, nangatu man baḵon nu nababa.”

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”

Revelation 4:9

Ḵad da annae opate matattagu we ḵingwana andaydayawda, ipatpatogda ya anggappiyada si tutuḵdu'tte trono we sa matattagu'ḵ inggana.

Revelation 8:10

Naabus ḵad, nanangguyub ḵumaḵlu we anghel woḵ naottag daḵoḻane bituwone naḻpu'd langite isunan silawe umapuapuy. Pun naottag atte inḵaḵlun da tawwang ya da bubun.