Revelation 14:6 - Sa Ugud Apudyus

⁶ Pun innilaḵ osae anghel we antattayap ad ngatu. Inninggaw ḵan siya Ambaḻu we Damag we sa ippun ambaliwana'ḵ ingganae umoyna iwaḻagawag atta tagu'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 14:6 ပူးပေါင်းရင်းမြစ်များ

Matthew 10:27

Sa ibagaḵ ḵan diḵayu'tte umabus taḵu'tta labi, ḵasapuḻane mipaigammu'tta adu we tagu'tta aḻgaw. Ḵad sa iyagapaapḵu ḵan diḵayu, ḵasapuḻan ose iyip-ipḵawyu'tta losane tagu.

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Romans 16:25

Madayaw oḵyan aḵ Apudyus! Te anna ḵabooḻanae amapigsa'tta pammatiyu we nibatay si Ambaḻu we Damag mipanggob ḵan Jesu Kristu we iwaḻagawagḵu. Sa annae Ambaḻu we Damag nitataḻu we adipun nipaigammu si awe.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

1 Peter 1:25

yaḵon sa Ugud Apudyus, ippun ambalbaliwana'ḵ inggana.” Sa annae Ugud Apudyus, siya annae Ambaḻu we Damag we niwaḻagawag ḵan diḵayu.

Revelation 10:11

Inninggaw nangibaga ḵan saḵon ḵanane, “Ḵasapuḻane ḵasinnu ipadtu da maḵwa'tta ḵinailin di ili ya da grupun da tagu we nansabasabali gingada ḵan ḵublitda ya da arida.”

Revelation 10:7

Te sa timpu we anangguyub ḵumapitu we anghel, mituttuwa nilimode planun Apudyus we sa imbagana'tta profetanae an-uuggudonae nanserserbi ḵan siya.”

Revelation 13:7

Niyunud ose maḵagubat atta tagun Apudyus ḵad oḻgona dida. Ḵad naittan aḵ ḵaḻabbongane ampangat atta losane ili ya da losane tribu ya da tagu we nansabasabali gingada ḵan naḻpuwanda.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.

Revelation 8:13

Pun innilaḵ buḵawe antattayap ad ngatu we indangsoḻna ḵanane, “Ḵaddagu! Ḵaddagu! Ḵaddagu da losane inggaw ad luta nu anangguyub da tuḻu we nabun-ane anghel.”