Revelation 14:4 - Sa Ugud Apudyus

⁴ Dida bos da adipun naḵabasuḻ mipanggob atta bubai te pasigda ampoḻḵas. Siya inunudda Ubbu we Karnero taḵon ay dinu ayana. Dida da nasubut ta misinada'tta udume tagu ta midatunda ḵan Apudyus ya sa Ubbu we Karnero we isun di umunae maapit ya midatun ḵan Apudyus.

Revelation 14:4 ပူးပေါင်းရင်းမြစ်များ

Matthew 19:12

Te sa lasune adin da tagu angasaw-an nansabasabali. Awad da udume laḻaḵi ye adipun angasawa gapu ta naḵawoyda. Awad da udume inggagaḻada impaḵaan maḻpuwan ni maganaḵanda. Ḵad awad da udume adipun angasawa gapu si anserbiyanda ḵan Apudyus si ampangatana. Sa tagu we ḵallabbong anuttuwa si sanae tuttudu, ambaḻu oḵyan nu ḵoona.”

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Matthew 8:19

Yaḵon ummadani ḵan siya osae mistulun ni lintog woḵ ḵanana, “Mistulu, naḵasaganaaḵe ambalin aḵ disipulum ya mitun-ud ḵan siḵa'tta dinumane ayam.”

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 13:37

Ḵanan Peter ḵan siya, “Apu, ngaipa adi maḵwae mitun-udaḵ sinsadi? Ittoḵ long-agḵu'ḵ matoy gapu ḵan siḵa.”

John 8:12

Ḵasin ḵad aḵ Jesus nan-ug-uggud atta adu we tagu ḵananae nangipani, “Saḵon silaw da tagu si annae lubung. Ḵad ngaimane angunud ḵan saḵon, adipun ogon inggaw atte giḵbot te nasilawan somsomoḵna ya maatod ḵan siya biyag aḵ inggana.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

1 Corinthians 16:15

Susunudḵu ḵan Kristu, igammuyu mipanggob ḵan da Stephanas we simbaḻyan. Dida da ummunae namati ḵan Apudyus ad Achaia. Impapatidae nanserbi'tta losane tagun Apudyus.

1 Corinthians 6:20

te nasubut taḵu'ḵ amod. Pun ḵasapuḻane usaron taḵu long-ag taḵu'ḵ madayawan Apudyus.

1 Corinthians 7:28

Yaḵon nu angasawa ḵayu, daḵampun aḵ basuḻ. Ḵad nu angasawa babaḻasang daḵampun aḵ basuḻ. Yaḵon sa ibagaḵ, unnoyna adi ḵayu angasawa ta adi ḵayu midoga si ampaḵaḻaman da nangasawa.

2 Corinthians 11:2

Tuttuwae amo angimunaḵ ḵan diḵayu we isun os ni an-iimun Apudyus nu sabali unudonyu. Te isuyun babaḻasange ippun natnattoḵanae intuḻagḵu we miyasawa si os-ossaane laḻaḵi ye siya'ḵ Kristu.

Ephesians 1:14

Ḵad sa annaan ni Ispiritu Santu ḵan ditaḵu, ippun duwaduwanae awaton taḵu si umali ye aḻgaw da losane inkarina ḵan ditaḵu we napuḵayan ta madaydayaw nakaskasdaawe ḵinaapudyusna.

Ephesians 5:27

Ḵingwana ḵatti ta umali ḵade angayag ḵan ditaḵu we namati ḵan siya, ambaḻu ugali taḵu si antotollongna ya ippun ḵadellawan taḵu we isun ni bubai ye mikasar we ambaḻubaḻu ya ippun ḵaissawna ḵan dipiḵtuna.

1 Timothy 4:3

Da sanae tagu, iyadida da angasawa ya da udume maḵan. Yaḵon sa ḵatuttuwaan, ḵingwan Apudyus da sanae maḵan ta ḵanon taḵu. Ditaḵu we namati ḵan Kristu ya angigammu si ḵatuttuwaan, anggappiya taḵu ta maḵwae ḵanon taḵu da ngaimane maḵan.

Hebrews 12:23

Umadani ḵani'tta losane namati ḵan Apudyus we mibelang aḵ panguḻu we abengnae andatdatong. Da nigili da ngadanda'd langit. Ḵad umadani ḵani ḵan Apudyus we anguwis atta losane tagu ya umadani ḵani'tta ḵalidodwan da naun-unane natoye da nambalinona'ḵ ippun angkuranganda.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Revelation 21:22

Naippun innilaḵ aḵ templo'tte sanate siyudad te aḵ Apudyus we Apu we maḵabooḻ atte losan ya sa Ubbu we Karnero, didae mismu templon ni siyudad.

Revelation 21:23

Sa paddan ni init ḵan soḻag, adipun os ḵasapuḻan te sa silaw ni siyudad, sa ḵinapaddan Apudyus ya sa Ubbu we Karnero.

Revelation 3:4

“ ‘Yaḵon annat da aḵit ḵan diḵayu'd Sardis we adipun nangwa'ḵ lawwenge isun di adipun naḵaissawan silupda. Sa umali ye aḻgaw, dida da maḵataddaḻan ḵan saḵone ansilup aḵ itaḵ te labbongda.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.