Revelation 14:2 - Sa Ugud Apudyus

² Pun dingngoḻḵu bos gingae naḻpu'd langite isunan pagasapas di danume maḻpu si antaḵnange utu ya sa andangsoḻe aguduud ni ḵiduḻ. Ḵad sa andodongoḻḵu, isuna bos gingan ni adu we arpae ay-ayamon da umaarpa.

Revelation 14:2 ပူးပေါင်းရင်းမြစ်များ

1 Corinthians 13:1

Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Revelation 1:15

Da suḵina ḵad, sumelapdae isun di napan-ige gambange nautu'tte apuy ya niyasada. Ḵad sa gingana, isuna dangsoḻ ni pagasapas ni danume maḻpu si antaḵnange utu.

Revelation 11:12

Maabus ḵad, dongngon da duwae profetan Apudyus andangsoḻe gingae maḻpu'd langite ḵanana ḵan dida, “Umali ḵayu sina.” Pune sadi nipangatuda'tte libuu we umoy ad langit ḵad itotollong da ḵabusuḻda dida.

Revelation 11:15

Nagangput ḵad nanangguyub ḵumapitu we anghel, inninggaw da andangsoḻe ginga'd langite ḵananda, “Inggana sinsadi, naippun udum aḵ maḵwae angipangat atte lubung malaksid aḵ Apu taḵu we Apudyus ya sa Kristu we imbuunna ya ippun anungus ni ampangatana.”

Revelation 15:2

Innilaḵ os isunan baybaye samling ḵopyanae naḵamsan atte apuy. Inggaw da summisiḵad sidi ye illogda ḵaog-ogyate ayam te adidapun nandaydayaw si sinan-ayame ḵais-isuna ya adidapun os iyyunude namaḻḵaanda si belange sinyal ni ngadanna. Nampaḵ-odonda'ḵ arpae innatod Apudyus,

Revelation 18:22

Naippun os ogon mangngoḻ atta ḵanḵanta baḵon nu gingan di arpa, baladong ya da tangguyub. Naippun os ogon maodasan aḵ nalainge angwa'tta ngaiman ya naippun os ogon ambayu.

Revelation 5:8

Innaḻana ḵad naḻuḵube ḵopel, ummoy losan da opate ḵingwam ya da duwampuḻu ya opate angipangpangu we nanalluḵu si sinagung ni Ubbu we Karnero. Sin-ossaossa ḵan dida nangdon aḵ arpae sa usarondae andayaw ya sa buḻawane maḻuḵunge napnu'tte incenso we luwaḻun da tagun Apudyus.

Revelation 6:1

Pun innilaḵe niloḵtan ni Ubbu we Karnero osa'tta pitu we maḻḵan ni naḻuḵube ḵopel woḵ dingngoḻḵu isunan ḵiduḻe gingan ni osa'tta opate matattagu we ḵingwam. Ḵanana, “Umaliḵa!”

Revelation 8:7

Nanangguyub ḵad ummunae anghel, inninggaw daḻaḻu ya sa apuye naḵamsan aḵ daḻae naottag ad luta woḵ nasgob inḵaḵlun ni annae luta, isuna bos atta ḵayu ya da losane lumun.