Revelation 14:17 - Sa Ugud Apudyus

¹⁷ Pun tummoḵwaḻ os sabali ye anghel we naḻpu'tte templo'd langite aangdon os aḵ antadome gagapas.

Revelation 14:17 ပူးပေါင်းရင်းမြစ်များ

Revelation 11:19

Pun nabuḵatan templon Apudyus ad langit woḵ naila sidi mapatgane ḵasun ni tuḻag. Inninggaw da nanguliyatyate ḵilat ya sa andangsoḻe ḵiduḻ ya da udume aguduud ya sa lunig ya sa ummamdane daḻaḻu.

Revelation 14:16

Pun sa tummutuḵdu si libuu, inggapasna ḵad gagapasna, naani da losane maani'd luta.

Revelation 14:18

Tummoḵwaḻ os osae anghel we naḻpu si igaw ni altar we siya simbiyange angiyaadog si apuy. Nampoḵaw atte aangdon si antadome gagapas woḵ ḵanana, “Aḻam gagapasnu ta gapasom da bungan da de grape ad luta te andi ye naḻ-umda.”

Revelation 16:1

Naabus ḵad, dingngoḻḵu andangsoḻe gingae naḻpu'tte templo we ḵanana'tta pitu we anghel, “Inḵayu ituyaḵ atte luta da dusae naḻpu si sangan Apudyus we awad atta pitu we maḻuḵung.”

Revelation 16:17

Intuyaḵ os ni ḵumapitu we anghel inggaw si maḻuḵungna'tte bibbid woḵ inggaw andangsoḻe gingae naḻpu'tte trono si templo we ḵanana, “Nagangput!”