Revelation 14:1 - Sa Ugud Apudyus

¹ Nantollongaḵ ḵad os ḵasin, andi Ubbu we Karnero we tataḵdog atte beleg Zion. Ḵad inninggaw os da tataḵdoge nidoga ḵan siyae naḻpaan aḵ opatpuḻu ya opatlibu we tagu we nigili'tta ḵidayda ngadan ni Ubbu we Karnero ya sa ngadan Amanae Apudyus.

Revelation 14:1 ပူးပေါင်းရင်းမြစ်များ

Luke 12:8

Pinagatupan os Jesus woḵ ḵanana ḵan dida, “Annaya ibagaḵ ḵan diḵayu, ngaimane amigbig ḵan saḵon si sinagung da tagu, Saḵone Abeng Di Tagu bigbigoḵ os atte sinagung da anghel Apudyus.

Romans 9:33

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Sana batu we ampasanga ya misubuḵan ḵan maottagan da tagu. Yaḵon ngaimane amati ḵan siya adipun paat madismaya.”

Revelation 14:14

Naabus ḵad, innilaḵ itaḵe libuu. Ḵad inggaw tummutuḵdu we isuna ḵatollongan ni abeng di tagu we naḻpu'd langite nakoronaan atte buḻawan ya aangdon aḵ antadotadome gagapas.

Revelation 14:3

Da naḻpaan aḵ opatpuḻu ya opatlibu we tagu, summisiḵaddae nansagung atte trono ya da opate matattagu we ḵingwam ya da angipangpangu. Nanḵantada si baru we ḵantae abusda'ḵ nangigammu we nasubute naḻpu'd luta.

Revelation 15:5

Naabus ḵad, innilaḵe nabuḵtan Ḵasantuwane Kuwartu si templo'd langite igaw ni nigili ye bilin Apudyus.

Revelation 22:4

Ḵad ilanda bosaḻna ya migili ngadanna'tta ḵidayda.

Revelation 3:12

Sa tagu we oḻgona lawweng, ambalinoḵ aḵ aliḵin ni templo we boḻoy Apudyus ḵad adipun paat magitot aḵ inggana. Maḻḵaaḵ os si ngadan Apudyus we Apuḵ ya sa ngadan ni siyudadna, sa baru we Jerusalem we dumoḻae maḻpu ḵan siya'd langit. Maḻḵaaḵ os atte baru we ngadanḵu.

Revelation 4:1

Naabus ḵad, intapḵu we nabuḵtan sawang ad langit. Dingngoḻḵu bos isun ni dingngoḻḵu we isunan gingan di tangguyube ḵanana ḵan saḵon, “Umaliḵa sina'd langit ta ipailaḵ ḵan siḵa da ḵasapuḻane maḵwa si umali ye aḻgaw.”

Revelation 6:8

Intollongḵu ḵad, innilaḵ buute ḵabayu. Sa nangabayu ḵad nangngadan aḵ Ḵatoy ya sa ummun-unud ḵan siya nangngadan aḵ Hades we igaw da natoy. Naittanda'ḵ ḵaḻabbongane anadail atte inḵapat da tagu sina'd luta. Gongatonda da udum atte ispada, da udum atte inggi, da udum atte dayang-as ya da udume gongaton da atape ayam sina'd luta.